ლეგენდარულმა მსახიობმა და პოლიტიკოსმა, არნოლდ შვარცენეგერმა ავსტრიის კლიმატის მსოფლიო სამიტის კონფერენციაზე ევროპის ქვეყნები გააკრიტიკა. ვენაში, კლიმატის სამიტის ინიციატორი, თავად ავსტრიის მკვიდრი შვარცენეგერია. გარემოსდაცვითი საკითხების გარდა, კალიფორნიის ყოფილმა გუბერნატორმა წამოჭრა რუსული ენერგორესურსების შესყიდვის საკითხი იმ დროს, როდესაც რუსეთი შემოსავალს თავისი არმიის დასაფინანსებლად მიმართავს.
”მოდით, ვიყოთ გულწრფელები საკუთარ თავთან. 1300 რაკეტა, რომელიც რუსეთმა უკრაინის ქალაქებში გაუშვა ომის პირველი ორი თვის განმავლობაში, 7,7 მილიარდი ევრო დაჯდა. ბევრია, მაგრამ ამავე დროს, ევროპამ რუსეთს საწვავში 44 მილიარდი ევრო გადაუხადა. მიუხედავად იმისა, რას ფიქრობთ ამაზე, ხელები სისხლში გვაქვს, რადგან ომს ვაფინანსებთ. ნუ იტყუებთ საკუთარ თავს", - განაცხადა არნოლდ შვარცენეგერმა. აღსანიშნავია, რომ დაწესებული სანქციების მიუხედავად, ევროპის მრავალი ქვეყანა აგრძელებს რუსეთის ფედერაციიდან ნავთობისა და ბუნებრივი აირის ყიდვას და შშ-ს ხაზინამაც დაუშვა ენერგოტრანზაქციები რუსულ ბანკებთან.