ბრუკლინ ბექჰემისა და მისი მეუღლის, ნიკოლა პელცის საზოგადოებაში გამოჩენა გახდა მიზეზი, რომ კიდევ ერთხელ შევიტანოთ ეჭვი დედამთილისა და რძლის შერიგებაში. რა კომიკურადაც არ უნდა ჟღერდეს, საქმე ისევ კაბას ეხება. უფრო სწორად, ნიკოლას და ბრუკლინის სამოსს, რომელიც მათ ჰელოუინის წვეულებისთვის შეარჩიეს. წყვილმა შექსპირის ცნობილი პიესის, „რომეო და ჯულიეტას“ 1996 წლის კინოადაპტაციიდან უბედური შეყვარებულების ჩაცმულობა აირჩია: 27 წლის ნიკოლა ელეგანტურ თეთრ კაბაში იყო ანგელოზის ფრთებით, ხოლო 23 წლის ბრუკლინი მისი რაინდი იყო, ჯავშანში.

სხვათა შორის, ვიქტორია ბექჰემი და ნიკოლა პელცი სოციალურ ქსელში ერთმანეთის იგნორირებას აგრძელებენ. პარიზში, ვიქტორიას ჩვენების შემდეგ ნიკოლას სიტყვა არ უთქვამს მის ჩვენებაზე, როცა აღფრთოვანებული იყო მოდის კვირეულის სხვა დიზაინერებით. ვიკი, თავის მხრივ, შვილის ფოტოს იწონებს მხოლოდ იმ შემთხვევაში, თუ მასზე ნიკოლა არ არის. გარდა ამისა, ქალბატონმა ბექჰემმა უგულებელყო პოსტი, რომელიც ბრუკლინისა და ნიკოლას ქორწილიდან 6 თვეს და გაცნობის დღიდან 3 წლის იუბილეს ეხებოდა.

ინსაიდერების თქმით, კონფლიქტი ვიქტორია ბექჰემსა და მისი უფროსი ვაჟის, 23 წლის ბრუკლინ ბექჰემის მეუღლეს შორის ქორწილამდე მწიფდებოდა. ნიკოლამ კატეგორიულად უარყო ვიქტორიას დახმარება დღესასწაულის ორგანიზებაში და მინიმუმამდე შეამცირა მასთან ურთიერთობა.

"ისინი ვერ იტანენ ერთმანეთს და არ საუბრობენ“, - თქვა ინფორმირებულმა წყარომ-„ქორწილისთვის მზადება კოშმარი იყო". როგორც ვიცით, ნიკოლამ საქორწილო კაბა არა Victoria-ს ბრენდიდან, არამედ ცნობილი მოდის სახლის Valentino-სგან შეარჩია, რომელზეც ნიკოლას დედის, ყოფილი მოდელის, კლაუდია პელცის თხოვნით, ქვედაბოლოს ძირში, ლურჯი ძაფებით ბოროტი თვალისგან დამცავი ამულეტია ამოქარგული.