ჰეიდი კლუმმა კიდევ ერთხელ დაამტკიცა, რომ სამართლიანად ატარებს ჰელოუინის დედოფლის ტიტულს. მოდელმა ყოველგვარ მოლოდინს გადააჭარბა და ცნობილ წვეულებაზე გიგანტური ჭიის სახით გამოჩნდა. მეთევზის სამოსში ქმრის, ტომ კაულიცის თანხლებით. ჰეიდიმ ამჯერად ბილიკზე იპოზიორა არა მხოლოდ ფეხზე მდგომმა, არამედ მწოლიარემაც - ან იმიჯთან უფრო ახლოს რომ ყოფილიყო, ან მოცულობითი კოსტუმის გამო, რომლითაც გადაადგილება აშკარად არ იყო იოლი.