ამალ და ჯორჯ კლუნები საზოგადოებისთვის ერთ-ერთი ყველაზე მომხიბვლელი და საყვარელი წყვილია და თაყვანისმცემლები ხშირად აღნიშნავენ, რომ ისინი სრულყოფილები არიან. თუმცა, ამალის ამ ციტატამ უამრავ ადამიანს ცრემლები მოჰგვარა და სიყვარულის ძალაში კიდევ ერთხელ დაარწმუნა.

კერძოდ, ერთ-ერთ საჯარო ღონისძიებაზე ამალ კლუნმა წარმოთქვა სიტყვა, რომელიც ქმარს, ჰოლივუდის მსახიობ ჯორჯ კლუნს მიუძღვნა:

"ჯორჯს 35 წლის ასაკში შევხვდი. თავიდან ვფიქრობდი, რომ მე მისთვის მნიშვნელოვანი არ აღმოვჩნდებოდი, შემდეგ კი შეხვედრა დავიწყეთ, ლონდონში, ჩემს ბინაში, ყველასგან დავიმალეთ. ძალიან მალე მივხვდი, რომ რაც არ უნდა მომხდარიყო, არასდროს ვისურვებდი სხვასთან ყოფნას.

ვერ ვიძინებდი, როცა ცალ-ცალკე ვიყავით... მეუბნებოდნენ, როგორ ვიღიმოდი და თავს განსაკუთრებულად ვხრიდი, როცა მის მესიჯებს ან წერილებს ვკითხულობდი, რომლებსაც ჩემს ჩანთაში მალავდა. არც ერთი ჩვევა წლების განმავლობაში არ შეცვლილა. ის არის ადამიანი, რომელიც მხიბლავს და რომლის ღიმილი ყოველ ჯერზე მეც მაღიმებს.

სიყვარული, რომელიც მასთან ვიპოვე, ის გრძნობაა, რომლისაც ყოველთვის მჯეროდა. ჩვენს შვილებთან ერთად შენი ნახვა ყველაზე დიდი სიხარულია ჩემს ცხოვრებაში." - თქვა ამალმა.

ჯორჯ კლუნს ამ სიტყვების შემდეგ თვალზე ცრემლები მოადგა და ამალმა დარბაზისგანაც ოვაციები დაიმსახურა.

აღსანიშნავია, რომ ჰოლივუდის ვარსკვლავი თავის რჩეულს 52 წლის ასაკში შეხვდა. იქამდე ჯორჯ კლუნს მკაცრად ჰქონდა გადაწყვეტილი, რომ არასოდეს დაქორწინდებოდა. თუმცა, ადვოკატ ამალთან შეხვედრამ ყველაფერი შეცვალა. წყვილი 2014 წელს დაქორწინდა, 2017 წლის ივნისში კი ტყუპი ეყოლათ. 2022 წლის სექტემბერში კლუნმა განაცხადა, რომ ისინი უკვე სამ ენაზე საუბრობენ.