მსახიობი ჰოლი ბერი სოციალურ ქსელში თაყვანისმცემლებს ახალ ფოტოებს ხშირად უზიარებს. „ოსკარისა“ და „ოქროს გლობუსის“ მფლობელმა ამჯერად გადაწყვიტა, თაყვანისმცემლებისთვის გაეზიარებინა ვიდეო, სადაც კოსმეტიკის გარეშეა გადაღებული. ბერი ბუნებრიობის პროპაგანდის ვარსკვლავთა რიგებს შეუერთდა. ახალ კადრებში ის მაკიაჟისა და ტანსაცმლის გარეშე პოზირებს.

პოსტში მსახიობმა „ოსკარის“ 95-ე დაჯილდოების ცერემონიალზე მიანიშნა. "გამოიცანით, ხვალ ვინ მიდის წვეულებაზე“, - დაწერა მსახიობმა. ჰოლი ბერიმ, ცოტა ხნის წინ, საყვარელთან, კომპოზიტორ ვან ჰანტთან ერთად გადაღებული ფოტოები გამოაქვეყნა. გასულ ოთხშაბათს, მან დაბადების დღე აღნიშნა - ჰოლიმ სათუთად მიულოცა საყვარელს დღესასწაული და რამდენიმე ფოტო გააზიარა, სადაც ჰოლი და ვანი სახლის ტანსაცმლით სხედან თოვლივით თეთრ დივანზე და ერთმანეთს კოცნიან.

შეგახსენებთ, რომ ბერიმ და ჰანტმა ურთიერთობა გასული წლის დასაწყისში დააკანონეს. მათ რომანზე პირველად 2020 წელს დაიწყეს საუბარი. შემდეგ ჰოლიმ თავის გვერდზე გამოაქვეყნა ორი წყვილი ფეხის სურათი - მისი და იდუმალი უცნობის, სავარაუდოდ მისი მეგობრის. აგვისტოში, მსახიობის სოციალურ ქსელში მსგავსი ფოტო გამოჩნდა, მხოლოდ ახლა მისი ფეხები ფანჯრის ფონზე იყო გადაღებული, რომელშიც აისი ჩანდა. 2021 წლის აგვისტოში ჰოლიმ გადაწყვიტა, საყვარელი ადამიანის ვინაობა გაემხილა.