ნებისმიერ ადამიანს სურს, ბედნიერად იცხოვროს და წარმატებული დღეები ჰქონდეს. ზოგიერთი ამას კარგად ახერხებს, მაგრამ არიან ისეთებიც, რომელთათვისაც ცხოვრების უკეთესობისკენ გარდაქმნა რთული ამოცანაა. დღეს ხუთ მარტივ წესზე მოგიყვებით, რომელთა დახმარებითაც შეძლებთ, რომ საკუთარი ჩვევები გააუმჯობესოთ და წარმატებას მიაღწიოთ:
თუ საკუთარ თავს გაავარჯიშებთ და დღეში 10 იდეას ჩამოწერთ, თქვენი ტვინი ბევრად უფრო პროდუქტიულად დაიწყებს მუშაობას და გააქტიურდება. თავიდან, შესაძლოა, გაგიჭირდეთ, მაგრამ დროთა განმავლობაში, ისე მიეჩვევით თავისუფლად აზროვნებას, იდეების თავმოყრასა და მიზნების დასახვას, რომ ეს სამომავლო წარმატებისთვის აუცილებლად გამოგადგებათ. მეტიც, უამრავ იდეას შორის შესაძლოა იყოს ის საქმე, რომელიც თქვენი ცხოვრების მთავარ მოტივაციად გადაიქცევა და წარმატებას მოგიტანთ.
ყოველდღიურად გააკეთეთ სულ ცოტათი მეტი, ვიდრე წინა დღეს - უამრავი წარმატებული ადამიანი ამბობს, რომ ყოველდღიური გაუმჯობესება, თუნდაც ეს ძალიან მცირე იყოს, საბოლოო ჯამში დიდ ცვლილებასა და წარმატებას იწვევს. მაგალითად, თუ ვარჯიშობთ ყოველდღე, თუნდაც ნახევარი წუთი მიამატეთ წინა შედეგს. თუ დღეში რამდენიმე გვერდს კითხულობს, ყოველ შემდეგ დღეს საკუთარ თავს ამოცანად დაუსახეთ, რომ კიდევ რამდენიმე წინადადებას დაამატებთ - ნებისმიერ საქმეში, იყავით თუნდაც სულ ცოტათი უკეთესი, ვიდრე წინა დღეს და ეს შესანიშნავ შედეგს მოგცემთ. საკუთარი თავის მუდმივი გაუმჯობესება საუკეთესო მოტივაციაა, რომ სულ აქტიური იყოთ და თქვენი ცხოვრება უკეთესობისკენ შეცვალოთ. ადამიანებს, რომლებიც მიღწეულ შედეგს არ დასჯერდნენ და კიდევ გააგრძელეს განვითარება, ძალიან დიდი წარმატება ხვდათ წილად.
შეიმუშავეთ სწორი პრიორიტეტები - ბევრი მდიდარი და წარმატებული ადამიანი თვლის, რომ საქმის განვითარების პარალელურად, საინტერესო ლიტერატურის გაცნობა, წიგნების წაკითხვა და თვითშემეცნება ძალიან მნიშვნელოვანია. თუ საღამოს სახლში დაბრუნების, ან დღის განმავლობაშიც გიყვართ ტელევიზორის ყურება, ხართ დამოკიდებული გაჯეტებსა და ინტერნეტზე, სცადეთ, ამ რუტინაში თუნდაც 1 საათი გამოყოთ და რაიმე საინტერესო წიგნი წაიკითხოთ. წარმატებული ადამიანების 88% ამბობს, რომ მათი სავალდებულო ჩვევა პროფესიული ლიტერატურის კითხვაა, რომელსაც დაახლოებით ერთი საათი სჭირდება. გახსოვდეთ, რომ ყველა წარმატებული ადამიანი საკუთარი თავის გაუმჯობესებას ცდილობს, ამიტომ მუდმივად ახალი ცოდნის ძიებაშია. რაც უფრო მეტად გესმით თქვენი სფერო, იცით სიახლეებისა და სამომავლო პერსპექტივების შესახებ, მით უფრო კონკურენტუნარიანი იქნებით.
რასაც არ უნდა აკეთებდეთ, იყავით საკუთარ თავსა და შესაძლებლობებში დარწმუნებული და ასე შეძლებთ, რომ სხვებიც დაარწმუნოთ. თავდაჯერებულ ადამიანებს, როგორც წესი, ფინანსური პრობლემები არ აქვთ და წარმატებასაც აღწევენ. ხოლო ისინი, ვინც მუდმივად ეჭვში არიან, ვერ ახერხებენ შესაძლებლობების გამოვლენას, ძნელად აღწევენ წარმატებას და არც კარგი შემოსავალი აქვთ. ამიტომაც, საკუთარი თავის რწმენა ძალიან მნიშვნელოვანი კომპონენტია.
დაუშვით შეცდომები და გახსოვდეთ, ისინი წარმატებისკენ მიმავალ გზაზე ძალიან დაგეხმარებიან. ეს ნიშნავს, რომ ვითარდებით. ბევრ წარმატებულ ადამიანს არაერთხელ დაუშვია შეცდომა და კიდევ უფრო მეტად გაზრდილა, დამარცხება მოტივაციად გადაუქცევია და განვითარებულა. ამიტომაც, შეცდომების დაშვების ნუ შეგეშინდებათ. ამის გარეშე წარმატება, ფაქტობრივად, არ მიიღწევა.