დღეს ჯენიფერ ლოპესი ნამდვილი ვარსკვლავი და გამორჩეული ქალია, რომელსაც უამრავი თაყვანისმცემელი ჰყავს, მის სტილს იმეორებენ და მოტივაციისთვისაც ხშირად იყენებენ. აქვს უზარმაზარი ჰონორარები და წარმატებული პროექტები. თუმცა, მის ცხოვრებაში იყო ერთი ეტაპი, როდესაც მომღერალს ყველაზე მეტად უჭირდა.

ლოპესმა არაერთხელ აღნიშნა, რომ დიდებისკენ მიმავალი გზა მარტივი არ ყოფილა. იგი ნიუ-იორკის ღარიბ რაიონში, ხელმოკლე ოჯახში გაიზარდა. თავად ცეკვით იყო გატაცებული და შოუბიზნესში მოხვედრაზე ოცნებობდა.

როდესაც ჯენიფერმა დედას უთხრა, რომ კოლეჯში ჩაბარება არ უნდოდა და სურდა, თავისი ცხოვრება ცეკვისთვის დაეკავშირებინა, ამის გამო ოჯახში სერიოზულად იკამათეს. ამბის შესახებ თავად მომღერალმა ისაუბრა. მისი თქმით, მას შემდეგ, რაც დედასთან იჩხუბა, სახლი დატოვა და იმ სტუდიაში ათევდა ღამეს, სადაც ცეკვაზე დადიოდა. ბევრი შრომის შემდეგ ჯენიფერმა კარგი სამსახურის პოვნა მოახერხა და მნიშვნელოვან პროექტებში ჩაერთო. ამის შემდეგ მისი თავბრუდამხვევი კარიერა დაიწყო და დღეს მის შესახებ მთელმა მსოფლიომ იცის.

"ცეკვის სტუდიაში დივანზე მეძინა. მაშინ უსახლკარო ვიყავი, მაგრამ დედას ვუთხარი, რომ ყველაფრის მიღწევას შევძლებდი. რამდენიმე თვის შემდეგ ევროპაში კარგი სამსახური ვნახე, რომ დავბრუნდი, კომედიურ პროექტში - In Living Color მოცეკვავედ ვიმუშავე და საცხოვრებლად ლოს-ანჯელესში გადავედი. ეს ყველაფერი ერთ წელიწადში მოხდა." - გაიხსენა ჯენიფერმა ერთ-ერთ ინტერვიუში.

მისმა ისტორიამ კიდევ ერთხელ დაგვარწმუნა, რომ თუკი რაღაცის მთელი გულით შეცვლა გვსურს, შეუძლებელი არაფერია.