მსახიობმა, როზამუნდ პაიკმა The Guardian-თან ინტერვიუ ჩაწერა, სადაც ისაუბრა თავის დამოკიდებულებაზე ჯანსაღი ცხოვრების წესის მიმართ. ინტერვიუ შეეხო გვინეტ პელტროუს ველნეს კომპანიას, Goop-ს და ზოგადად, ველნეს ინდუსტრიას. როზამუნდ პაიკმა გააზიარა მისი ეჭვები ამის შესახებ:
"ვფიქრობ, ველნეს ინდუსტრია ყველას გვატყუებს. იდეა, რომ არ არის საკმარისი, იყოთ უბრალოდ, ჯანმრთელი - თქვენ ასევე უნდა იხელმძღვანელოთ "სწორი" ცხოვრების წესით. რაც ჯერ კიდევ ბოლომდე არ არის შესწავლილი. მიუხედავად ამისა, იდეა ძალიან მაცდურია. რადგან ის იძლევა უფლებას, გამოეკიდოთ ყველაფერს, რისი სურვილისაც გვრცხვენოდა: ახალგაზრდობა, სილამაზე და კარგი ფიგურა.
მსახიობის თქმით, მოძრაობა #MeToo ქალებს საშუალებას აძლევდა, თავი დაეღწიათ საზოგადოების წინაშე არსებული ზოგიერთი მოთხოვნებისგან, მაგრამ ახლა ყველაფერი მეორდება: ჯანმრთელობა, შედეგად, რას ვჭამთ და როგორ ვვარჯიშობთ, განსაკუთრებულ მნიშვნელობას იძენს. ,,ვფიქრობ, ეს მართლაც საშიშია," - დასძინა მან.
მსახიობმა ასევე ისაუბრა იმაზე, თუ როგორ ექცევიან 40 წელს გადაცილებულ ქალებს კინოინდუსტრიაში. როგორც ინტერვიუერი აღნიშნავს, წარსულში ამ ასაკზე უფროს მსახიობებს უჭირდათ როლების მოპოვება, დღეს კი, მისი თქმით, ყველაფერი სხვაგვარადაა. "დღეს უკვე არც ისე ცუდია. ყოველთვის არის შესანიშნავი ფილმები ნათელი, თვითკმარი გმირებით", - ამბობს ის.
„ახლა ტელევიზია მიესალმება ქალებს, რომლებსაც არ ეშინიათ თავიანთი აზრის გამოთქმის და რომლებიც არ ემორჩილებიან ქალურობის ტრადიციულ ცნებებს და ამ პერსონაჟებთან ერთად არის საინტერესო შესაძლებლობები მსახიობებისთვის“, - დასძინა მან.
როზმუნდ მერი ელენ პაიკი არის „ოქროს გლობუსისა“ და „ემის“ ჯილდოს მფლობელი ბრიტანელი მსახიობი, ასევე ოსკარის, BAFTA-ს და კინომსახიობთა გილდიის ჯილდოს ნომინანტი საუკეთესო მსახიობი ქალისთვის ფილმში Gone Girl.