არიანა გრანდე უიმბლდონზე საქორწინო ბეჭდის გარეშე შენიშნეს, რამაც თაყვანისმცემლების შეშფოთება გამოიწვია.

არიანა 2021 წლის მაისში უძრავი ქონების აგენტზე, დელტონ გომესზე დაქორწინდა. პანდემიური რეალობის ფონზე წყვილმა პატარა ქორწილი გადაიხადა, რომელსაც მხოლოდ უახლოესი ადამიანები დაესწრნენ. როგორც ცნობილია, დამსწრეთა რიცხვი 25 ადამიანს არ აჭარბებდა.

მომღერალს ხელი,,toe et moi’’-ის 750 000 დოლარიანი ბეჭდით სთხოვეს, რომელიც 2021 წლის მოდის ტენდენციებს სრულიად ითვალისწინებდა.

გრანდე, მატჩის დროს ენდრიუ გარფილდსა და "ბრიჯერტონის" ვარსკვლავ ჯონათან ბეილის შორის იჯდა, მან რამდენჯერმე ხელი პირზე აიფარა, სადაც კარგად გამოჩნდა რომ მას საქორწინო ბეჭედი არ უკეთია და ეს უკვე პირველი შემთხვევა არაა.

გრანდე ბოლოს საქორწინო ბეჭდით საზოგადოებაში აპრილში, ჯეფ გოლდბლუმის კონცერტზე, ლონდონში დააფიქსირეს.

წყვილმა ურთიერთობა 2020 წლის იანვარში დაიწყო და ყველაფერი მალევე გახდა ოფიციალური. არიანა და დალტონი ერთად დიდ დროს ატარებდნენ, კარანტინის პერიოდიც ერთად გადააგორეს და როგორც ჩანს, ამ პერიოდმა საკუთარი გრძნობებისა და არჩევნის სისწორეში ორივე დაარწმუნა. გომესმა ურთიერთობის დაწყებისთანავე სამუშაო ლოკაცია შეიცვალა და გრანდესთან ახლოს, ლოს-ანჯელესში დასახლდა.