კაილი ჯენერისა და ტიმოთი შალამეს სიყვარულის შესახებ გავრცელებული ამბების მათი თაყვანისმცემლების უმრავლესობას არ სჯეროდა. მეტიც, წყვილის შესახებ სოციალურ ქსელებში არაერთი სახუმარო ფოტო და კარიკატურა შეიქმნა და კაილი და ტიმოთი პოპულარული მიმების გმირებად იქცნენ.

2024 წლის იანვარში კაილი ჯენერი ტრევის სკოტს დაშორდა. წყვილმა საახალწლო არდადეგები ცალ-ცალკე გაატარა. ამავდროულად, მედიაში გაჩნდა ინფორმაცია, რომ ისინი მეგობრებად რჩებიან, რომ ორ საერთო შვილს ღირსეული მშობლობა გაუწიონ. 2023 წლის იანვრის ბოლოს კაილი და ტიმოთი პარიზში ჟან-პოლ გოტიეს ჩვენებას დაესწრნენ. მათ სოციალურ ქსელში ერთობლივი ვიდეოც კი გამოაქვეყნეს, რომელიც მალევე წაშალეს.

აპრილში გავრცელდა ინფორმაცია, რომ კაილი ჯენერი და ტრევის სკოტი შერიგდნენ. თუმცა ეს ინფორმაცია არ დადასტურებულა. მალევე ტაბლოიდებმა აქტიურად დაიწყეს იმის დაწერა, რომ ტიმოთი შალამეს ახალი შეყვარებული ჰყავს და ის კაილი ჯენერია. ეს ინფორმაცია სოციალურ ქსელებში ვირუსულად გავრცელდა. პარალელურად კი ტრევის სკოტის მეგობრები ანონიმურად მედიასთან საუბრობდნენ და ამბობდნენ: "კაილი და ტრევისი კვლავ ერთად არიან და სავარაუდოდ, აღდგომასაც ერთად შეხვდებიან. ისინი შესანიშნავი მშობლები არიან და მათი კავშირი ძალიან ძლიერია. შერიგება მხოლოდ დროის საკითხია."

გასული წლის 13 აპრილს ერთ-ერთმა ყვითელმა გამოცემამ გამოაქვეყნა კაილი ჯენერის მანქანის ფოტო, რომელიც ტიმოთი შალამეს სახლის წინ იყო გაჩერებული. Entertainment Tonight-მა კი წყაროზე დაყრდნობით პირდაპირ დაწერა, რომ კაილისა და ტიმოთის სასიყვარულო ურთიერთობა აქვთ. მოგვიანებით კი, ჯენერთან დაახლოებულმა წყარომ People-ს განუცხადა, რომ ვარსკვლავები ყოველ კვირას ერთად არიან და მათი გრძნობები სერიოზულია.

მთელი ამ დროის განმავლობაში, უამრავი ურთიერთგამომრიცხავი ინფორმაცია იწერებოდა. ტაბლოიდები ხან იტყობინებოდნენ, რომ წყვილი ერთად იყო, ხანაც ამას უარყოფდნენ. სოციალურ ქსელებშიც კაილისა და ტიმოთის შესახებ უამრავი სახუმარო პოსტი იქმნებოდა და ვირუსულად ვრცელდებოდა.

თუმცა, ყველაფერი 4 სექტემბერს გაირკვა - კაილი ჯენერი და ტომოთი შალამე ბიონსეს კონცერტზე ერთად გამოჩნდნენ. ისინი ერთმანეთს კოცნიდნენ და დროს მხიარულად ატარებდნენ. როგორია მათი სამომავლო გეგმები, უცნობია, მაგრამ ურთიერთობის შესახებ ინფორმაცია ნამდვილად დაადასტურეს.

კაილი ჯენერი და ტიმოთი შალამე ურთიერთობას უკვე აღარ მალავენ. ინსაიდერებმა მედიასთან ისაუბრეს, რომ მათ შობა ერთად აღნიშნეს.

2025 წლის "ოქროს გლობუსის" დაჯილდოებას კი ისინი ერთად დაესწრნენ და უამრავი ადამიანის ყურადღება მიიპყრეს.