ბრენდან ფრეიზერი წლების წინ არაერთ პოპულარულ ფილმში მონაწილეობდა და უამრავ ადამიანს სახალისო, ბედნიერ მომენტებს უზიარებდა. თუმცა, კადრს მიღმა მსახიობს ბევრი სირთულე და სევდა შეხვდა, რომელსაც, როგორც წესი, მაყურებელი ვერ ამჩნევდა და არც არაფერი იცოდა.

ბრენდან ფრეიზერი ცნობილია ისეთ საკულტო ფილმებში მონაწილეობით, როგორებიცაა, Looney Tunes: Back in Action, George of the Jungle და The Mummy trilogy. მას უამრავი გულშემატკივარი ჰყავდა და დიდი პოპულარობითაც სარგებლობდა.

თუმცა, მტკივნეული განქორწინებიდან და დედის გარდაცვალებიდან დაწყებული, კინოინდუსტრიაში არასათანადო მოპყრობითა და დაუფასებლობით დამთავრებული, ნეგატიური ამბებით მსახიობის ცხოვრება განსაკუთრებით შეიცვალა, დაზიანდა კარიერა და ღრმა დეპრესია გამოიწვია. ამას თან ფინანსური პრობლემებიც ემატებოდა და ერთ დროს პოპულარული მსახიობი იზოლაციაში ცხოვრობდა.

მიუხედავად კარიერაში ხანგრძლივი პაუზისა, ბრენდან ფრეიზერი ერთგული გულშემატკივრების გულებში კვლავ რჩებოდა და მათგან ბევრ თბილ და გამამხნევებელ კომენტარს იღებდა.

ერთ-ერთი გულშემატკივარი იმანი გოულეთი საყვარელ მსახიობს შეხვდა და მათ იმდენად გულთბილი შეხვედრა ჰქონდათ, რომ სოციალური მედიის ყურადღებაც კი მიიპყრეს. იმანიმ აღნიშნა, რომ მსახიობი უკვე მრავალი წელია, უყვარს. მისგან ავტოგრაფიც მიიღო და ბრენდან ფრეიზერს გაესაუბრა. თბილმა სიტყვებმა კი სოციალურ ქსელებში უამრავი გამოხმაურება გამოიწვია:

"ბრენდან, მადლობა, რომ ჩემი ბავშვობა გააფერადეთ. მადლობა, იმ საოცარი ემოციებისათვის, რომლებიც წლების განმავლობაში მომიტანეთ" - უთხრა თაყვანისმცემელმა მსახიობს. ბრენდან ფრეიზერს ეს სიტყვები განსაკუთრებით დაამახსოვრდა და როგორც მოგვიანებით განაცხადა, თაყვანისმცემლების სიყვარულმა და მათმა თბილმა დამოკიდებულებამ მისცა მოტივაცია, რომ დეპრესიისათვის დაეძლია და პროფესიას დაჰბრუნებოდა.

მართლაც, 2022 წელს მსახიობი 10-წლიანი დეპრესიის, ფინანსური კრიზისისა და უმოტივაციობის შემდეგ, ეკრანზე ტრიუმფალურად დაბრუნდა. დარენ არანოფსკის ფილმში "ვეშაპი" შესრულებული როლით კი მან სანატრელი "ოსკარის" ჯილდოც დაიმსახურა.

მსახიობის ფანის ვიდეოს კი ბევრი კომენტარი მოჰყვა. ადამიანები ბრენდან ფრეიზერს მადლობას უხდიდნენ, რომ მათ არაერთი დასამახსოვრებელი როლი აჩუქა.