ქერი ბრედშოუს საკულტო კოსტიუმი შესაძლოა აუქციონზე 10 000$-ად გაიყიდოს.

ყველასათვის საყვარელი და დღემდე რეიტინგული სერიალი, ვისაც მოდა და „ქალური“ ამბები უყვარს, არის Sex and the City, რომელის უკეთესი ვერსია ამ დრომდე არ შექმნილა.

სერიალ Sex and the City-ს მთავარი გმირის, ქერი ბრედშოუს ცნობილი ჩაცმულობა აუქციონზე 10 000$-ად შესაძლოა, გაიყიდოს. ქერი ბრედშოუს სერიალის შესავალ ნაწილში ვარდისფერი მაისური და თეთრი ქვედაბოლო აცვია, რაც სერიალის ფანებისთვის საკულტო ჩაცმულობად იქცა.

როგორც ცნობილია, თეთრი ქვედაბოლო სერიალის ლეგენდარულმა კოსტიუმების დიზაინერმა, პატრიცია ფილდმა მეორეული ტანსაცმლის მაღაზიაში, სულ რაღაც, 5 დოლარად შეიძინა.

აუქციონი ბევერლი ჰილსში ჯულიენის აუქციონის სახლში გაიმართება, სადაც წარმოდგენილი იქნება ქალის ცნობილი ჩაცმულობები მოდის ისტორიაში. ქერი ბრედშოუს ცნობილი კოსტიუმის ფასი უკვე 10 000 ამერიკულ დოლარამდეა ასული და სავარაუდოა, რომ აუქციონის დასრულებამდე კიდევ გაიზრდება.

მას შემდეგ ეს კოსტიუმი ქერი ბრედშოუს Sex and the City -ის გადასაღებ მოედანზე კვლავ ეცვა, როცა მეგობრებთან ერთად ნოსტალგიურ წლებს იხსენებდა.