ზოგიერთმა მსახიობმა საკულტო როლის შესრულებით არა მხოლოდ დიდი აღიარება და მაყურებლის სიყვარული, არამედ მილიონობით დოლარის ოდენობის ჰონორარიც მიიღო. დღეს 10 ყველაზე მაღალანაზღაურებად ვარსკვლავზე მოგიყვებით:

10. ტომ ჰენკსი - "ფორესტ გამპი" (1994)

ჰონორარი: 60 მილიონი დოლარი

რობერტ ზემეკისის ფილმში "ფორესტ გამპი" მთავარი როლისთვის ცნობილმა მსახიობმა, ტომ ჰენკსმა $60 მილიონი მიიღო. საბოლოო ჯამში, ამ ფილმმა დაახლოებით, 680 მილიონი დოლარის მოგება ნახა და მსოფლიოს მასშტაბით დღემდე ძალიან პოპულარულია. ("ფიქრი ქვასავითაა. რაც უფრო მეტია, მით უფრო ვმძიმდებით" - გამორჩეული ფრაზები "ფორესტ გამპიდან", რომლებიც ერთგულ მაყურებელს სამუდამოდ დაამახსოვრდა)

9. ადამ სენდლერი - "იდუმალი მკვლელობა" (2019)

ჰონორარი - 62, 5 მილიონი დოლარი

ადამ სენდლერმა Netflix-თან ხელშეკრულება გააფორმა და 4 პროექტში მიიღო მონაწილეობა. ჯამში, თანამშრომლობამ სენდლერს 250 მილიონი დოლარ მოუტანა. კონკრეტულად, აღნიშნული ფილმისთვის კი მსახიობმა 62, 5 მილიონი დოლარი მიიღო.

8. ჰარისონ ფორდი - "ინდიანა ჯონსი და ბროლის თავის ქალა" (2008)

ჰონორარი: 65 მილიონი დოლარი

2008 წელს პოპულარული ფილმში მთავარი როლის შესრულებისთვის ჰარისონ ფორდმა სწორედ 65 მილიონი დოლარი მიიღო.

7. ჯონი დეპი - "ალისა საოცრებათა ქვეყანაში" (2010)

ჰონორარი: 68 მილიონი დოლარი

ფანტასტიკურმა ფილმმა "ალისა საოცრებათა ქვეყანაში" ჯონი დეპი და ტიმ ბარტონი კვლავ გააერთიანა და ეკრანზე საინტერესო თანამშრომლობა ვნახეთ. 2010 წელს ჯონი დეპი ჰოლივუდის ყველაზე მაღალანაზღაურებადი მსახიობი გახდა. მან აღნიშნულ ფილმში მონაწილეობისათვის ჰონორარის სახით 68 მილიონი დოლარი მიიღო.

6. სანდრა ბალოკი - "გრავიტაცია" (2013)

ჰონორარი: 70 მილიონი დოლარი

სანდრა ბალოკმა ფილმში "გრავიტაცია" შესრულებული როლისთვის წინასწარ, ავანსის სახით, 70 მილიონი დოლარი მიიღო. კონტრაქტის პირობების თანახმად, მას ფილმის საერთო შემოსავლიდან 15%-ს დამატებით გადასცემდნენ. საინტერესოა ის ფაქტი, რომ ფილმმა 2013 წელს 700 მილიონ დოლარზე მეტი შემოსავალი მიიღო. (რატომ არ დაიწყეს კიანუ რივზმა და სანდრა ბალოკმა შეხვედრა მაშინაც კი, როცა აღიარეს, რომ ერთმანეთი უყვარდათ)

5. რობერტ დაუნი უმცროსი - "შურისმაძიებლები: უსასრულობის ომი" (2018)

ჰონორარი: 75 მილიონი დოლარი

მსახიობმა პოპულარულ ფილმში მონაწილეობისთვის 75 მილიონი დოლარი მიიღო. გარდა ამისა, ის ყველა დროის ერთ-ერთ ყველაზე მაღალანაზღაურებად მსახიობად ითვლება.

4. ტომ კრუზი - "შეუსრულებელი მისია: მოჩვენების პროტოკოლი" (2011)

ჰონორარი: 75 მილიონი დოლარი

ითან ჰანტის საკულტო როლმა ტომ კრუზს 75 მილიონი დოლარი მოუტანა. 2012 წელს Forbes-ის მიხედვით, ყველაზე გავლენიანი მსახიობების სიაში ის პირველ ადგილზე აღმოჩნდა.

3. კიანუ რივზი - "მატრიცა" (1999)

ჰონორარი: 83.3 მილიონი დოლარი

კიანუ რივზმა საკულტო როლისათვის 83.3 მილიონი დოლარი მიიღო. ის ყველა დროის ერთ-ერთ ყველაზე მაღალანაზღაურებად მსახიობად ითვლება. კიანუ რივზი საქველმოქმედო საქმიანობაში აქტიურადაა ჩართული და როგორც ცნობილია, საკუთარი ჰონორარებიდან თანხის დიდ ნაწილს სწორედ ამ მიზნით ხარჯავს.

2. უილ სმიტი - "ადამიანები შავებში 3" (2012)

ჰონორარი: 100 მილიონი დოლარი

კონტრაქტის პირობების თანახმად, უილ სმიტმა აღნიშნული ფილმისთვის ჰონორართან ერთად, საერთო მოგებიდან გარკვეული პროცენტიც მიიღო და ჰოლივუდის ერთ-ერთი ყველაზე მაღალანაზღაურებადი მსახიობი გახდა.

1. ტომ კრუზი - "საუკეთესო მსროლელი: მევერიკი" (2022)

ჰონორარი - 100 მილიონ დოლარზე მეტი

ტომ კრუზმა ჰონორარის გარდა, ფილმის საერთო შემოსავლიდან საკუთარი წილიც დამატებით მიიღო და ის დღემდე ყველა დროის ერთ-ერთ ყველაზე მაღალანაზღაურებად და მოთხოვნად მსახიობად ითვლება.