ის, რომ პოზიტიურ აზროვნებასა და მადლიერებას განსაკუთრებული მნიშვნელობა აქვს, ფსიქოლოგებს არაერთხელ აღუნიშნავთ. დადებით ფრაზებს, საკუთარი თავის გამხნევებასა და ამავდროულად, სამყაროში პოზიტიური ენერგიის გაშვებას მართლაც რომ განსაკუთრებული ძალა აქვს და შეუძლია, ჩვენს ცხოვრებაში კიდევ უფრო მეტი წარმატება და იღბალი შემოიტანოს:

ყველაფერი კარგი წინაა!

თუკი წარუმატებლობას, როგორც ცხოვრების ღირებულ გამოცდილებას, ისე აღვიქვამთ, მაშინ ჩვენი ყოველდღიურობა ბევრად უფრო ბედნიერი და ამავდროულად, მოტივაციით სავსე იქნება. რა თქმა უნდა, სულ გამარჯვებები და უდარდელი დღეები ვერ იქნება, მაგრამ თუკი შევძლებთ და წარუმატებლობას მოტივაციად გადავაქცევთ და ვირწმუნებთ, რომ უკეთესი დღეები მოვა, წარმატების მიღწევის შანსი გაცილებით გაიზრდება.

მადლიერი ვარ

როგორც ფსიქოლოგები ამბობენ, მადლიერების გამოხატვას, იმის დაფასებას, რაც გვაქვს, განსაკუთრებული მნიშვნელობა აქვს. გულწრფელი მადლობის თქმის უნარი ახალ შესაძლებლობებს გაგიხსნით და სამყარო დადებით ემოციებს უკან დაგიბრუნებთ.

ბედნიერი ვარ

საიდუმლო არ არის, რომ ბედნიერება წვრილმანებშია. დაფიქრდით ყველაფერზე, რაც დადებით განწყობას გიქმნით. მაგალითად, ფინჯანი ყავა, კარგი ამინდი, რაიმეს მომზადება, ცეკვა, მუსიკის მოსმენა... ბედნიერების მიზეზი შესაძლოა, ძალიან მცირე, ერთი შეხედვით, უმნიშვნელო რამ იყოს. როდესაც ამბობთ, რომ ბედნიერი ხართ, თქვენი ემოციები მთლიანად იცვლება, აზრები, გონება უკეთესობისკენ, ყველაფერში კარგის დანახვისკენაა მიმართული და წარმატების მიღწევის გაცილებით დიდი შანსი გაქვთ.

სიახლეებისა და თავგადასავლებისთვის მზად ვარ

თუკი შეძლებთ, რომ სიახლეებსა და თავგადასავლებს, განსხვავებულის ცდასა და აღმოჩენას თქვენი ცხოვრების კარი გაუღოთ, წარმატებაც არ დააყოვნებს. მთავარია, შეჩვეული, ერთი შეხედვით, კომფორტული მდგომარეობიდან გასვლა შეგვეძლოს და ცვლილებების არ შეგვეშინდეს.

სიყვარულს ვიმსახურებ

ზოგჯერ ადამიანები ფიქრობენ, რომ სიყვარული უნდა გასცენ, დაბალი თვითშეფასების გამო კი ჰქონიათ, რომ თავად სიყვარულსა და პატივისცემას არ იმსახურებენ. ამიტომაც, თუ გსურთ, სხვებისაგან აღიარება და დაფასება მიიღოთ, ისწავლეთ როგორც გაცემა, ასევე მიღება.