მონიკა ბელუჩისა და ვენსან კასელის უფროსი ქალიშვილი 19 წლის დევა, ანიმაციური ბლოკბასტერის Inside Out 2-ის იტალიურ პრემიერას დაესწრო, რომელშიც ერთ-ერთი პერსონაჟი გაახმოვანა. რომში პრემიერაზე დევა მეგობრისა და მშობლების გარეშე გამოჩნდა და წითელ ხალიჩაზე მარტო იპოზიორა. სოციალური ღონისძიებისთვის მოდელმა და დამწყებმა მსახიობმა ტოტალური შავი ლუქი აირჩია: შარვალი და ბლუზა ღრმა დეკოლტეთი. პრემიერამდე გამართულ პრეს-ივენთზე გოგონა შავი კომპლექტითაც გამოჩნდა: დაბალწელიანი შარვალი, ჟილეტი და პიჯაკი.

Inside Out 2-ში, სუპერპოპულარული Pixar-ის ფილმის გაგრძელებაში, დევამ გაახმოვანა მოწყენილობა, ახალი ემოცია, რომელსაც მთავარი გმირი რაილი აწყდება მოზარდობისას.

დევა ახლა აქტიურად აწყობს სამსახიობო კარიერას: შარშან გამოვიდა მისი პირველი მთავარი კინოპროექტი, ფილმი "ბოლო ზაფხული", წელს კი გამოვა Netflix-ის სერიალი "ლეოპარდი", რომელშიც მან მთავარი როლი შეასრულა. სხვათა შორის, სწორედ "ლეოპარდის" გადასაღებ მოედანზე გაიცნო დევამ თავისი მეგობარი ბიჭი, მსახიობი საულ ნანი.

გოგონა დიდი ხანია, მოდელად მუშაობს: მან მონაწილეობა მიიღო Dior-ის, Dolce & Gabbana-ს და სხვა მოდის ბრენდების ჩვენებებში, გახდა Dior-ის გლობალური ელჩი და ბევრ ფოტოსესიაში იღებს მონაწილეობას.

დევას ჰყავს უმცროსი და, 14 წლის ლეონი, რომელიც ჯერ არ ეწევა საჯარო ცხოვრების წესს და მხოლოდ ხანდახან აქვეყნებს ვიდეოებს TikTok-ზე. შეგახსენებთ, რომ მსახიობები ვენსან კასელი და მონიკა ბელუჩი 1999 წლიდან 2013 წლამდე ქორწინებაში იყვნენ და ერთ-ერთ ულამაზეს წყვილად ითვლებოდნენ.