ამერიკელი რეპერი 26 ივლისს პარიზში, ზაფხულის ოლიმპიური თამაშების გახსნის ცერემონიაზე ერთ-ერთი მეჩირაღდნე იყო და საზოგადოების ყურადღება კიდევ ერთხელ მიიპყრო.

27 ივლისს კი ლეგენდარულმა რეპერმა საკუთარ ინსტაგრამზე შვილიშვილის ფოტო გამოაქვეყნა. კადრში ჩანს, რომ ის პატარა გოგონას ფეხსაცმელზე თასმას უკრავს.

"ბაბუის მოვალეობები ოლიმპიადაზე" - წერ სნუპ დოგი პოსტის ქვეშ. მის ფოტოს ძალიან დიდი გამოხმაურება მოჰყვა და გულშემატკივრებმა არაერთი თბილი კომენტარი დაწერეს. (ასევე დაგაინტერესებთ: სელმა ჰაიეკმა ოლიმპიური ჩირაღდნის ესტაფეტაში მიიღო მონაწილეობა)

აღსანიშნავია, რომ სნუპ დოგი 3 შვილის მამაა. რეპერმა წლის დასაწყისში ჯენიფერ ჰადსონის შოუში თქვა:

"12 შვილიშვილი მყავს. ყველა სხვადასხვა ასაკისაა, მაგრამ ისინი ერთნაირად მიყვარს."

"ბაბუაჩემი ჩემი საუკეთესო მეგობარი იყო. მიხარია, რომ ჩემი შვილიშვილებისთვის მისგან მაგალითის აღება შევძელი." - თქვა რეპერმა გასულ წელს.

რაც შეეხება ზაფხულის ოლიმპიურ თამაშებს, სნუპ დოგი ამბობს, რომ ძალიან ბედნიერია, ეს საპასუხისმგებლო მისია მას რომ მიანიჭეს და შეჯიბრებებისაგან საუკეთესო შედეგებს ელოდება:

"ოლიმპიადების ყურებით გავიზარდე და აღფრთოვანებული ვარ იმით, რასაც სპორტსმენები აკეთებენ. ეს არის ოსტატობის, თავდადებისა და სიდიადისკენ სწრაფვის დღესასწაული. საოცარი შეჯიბრებები გვექნება. ეს იქნება ყველაზე ეპიკური ოლიმპიადა, რაც კი ოდესმე გინახავთ." - აღნიშნავს სნუპ დოგი.