ვენეციის რიგით 81-ე საერთაშორისო კინოფესტივალზე ფილმის Wolfs პრემიერა გაიმართა. ფილმში მთავარ როლებს ჯორჯ კლუნი და ბრედ პიტი ასრულებენ. 63 წლის კლუნი პრემიერას მეუღლესთან - ამალთან ერთად დაესწრო, ბრედ პიტი კი მეგობარ ქალთან - ინეს დე რამონთან ერთად იყო.

ჯორჯ კლუნმა ფილმის პრემიერისათვის კლასიკური შავი შარვალი და პიჯაკი აირჩია. ამალს კი ულამაზესი ყვითელი კაბა ეცვა.

ბრედ პიტისა და ინეს დე რამონისათვის კი ეს წითელ ხალიჩაზე დებიუტი იყო. 60 წლის პიტმა Louis Vuitton-ის კოსტიუმი შეარჩია, რომელიც 70-ინი წლების მოდითაა შთაგონებული. სამკაულების დიზაინერმა - ინეს დე რამონმა კი თეთრი გრძელი კაბა მოირგო. (ასევე დაგაინტერესებთ: ვინ არის და რას საქმიანობს ბრედ პიტის მეგობარი ქალი - ინეს დე რამონი, რომელსაც მსახიობი 2 წელია, ხვდება)

წითელ ხალიჩაზე ოთხივე მათგანმა ჟურნალისტებისა და ფოტოგრაფების განსაკუთრებული ყურადღება მიიპყრო.

ვიდრე ისინი წითელ ხალიჩაზე გამოჩნდებოდნენ, იქამდე ოთხივე ერთად ვენეციის Ristorante Da Ivo-ში დააფიქსირეს, რომელიც ჯორჯ და ამალ კლუნების საყვარელ ადგილად ითვლება.