მაიკლ ჯექსონის ქალიშვილი, პარის ჯექსონი, სოციალურ ქსელებში განსაკუთრებული პოპულარობით სარგებლობს. მას უამრავი თაყვანისმცემელი ჰყავს და "მსოფლიოში ყველაზე ლამაზ ქალს" უწოდებენ. პარის ჯექსონმა ცნობილი მამის შვილობის გარდა, გამორჩეული გარეგნობითაც გაითქვა სახელი და ის ახლა მოდელი, მსახიობი და მუსიკოსია.

პარის ჯექსონი 1998 წლის 3 აპრილს დაიბადა. ის მაიკლ ჯექსონისა და მისი ყოფილი მეუღლის, დები როუს ერთადერთი ქალიშვილია. გოგონა პოპულარობის სირთულეებს მცირე ასაკიდანვე შეეჯახა. თუმცა, ცნობილი ოჯახის მიღმა, პარისმა საკუთარი ინდივიდუალურობის გამოვლენა და დამოუკიდებლად განვითარება დაიწყო.

პარის ჯექსონის პარიზის მოდის კვირეულზე გამოჩენამ უამრავი ადამიანის ყურადღება მიიპყრო და როგორც პოდიუმზე, ისე აუდიტორიაში თაყვანისმცემლების აღფრთოვანება გამოიწვია. გოგონას ბუნებრივი სილამაზე და ხიბლი ყველასგან გამოარჩევდა.

პარის ჯექსონი მომღერალი და სიმღერების ავტორია, გახდა მსახიობი, მოდელი. გადალახა "პოპის მეფის ქალიშვილის" სახელი და საკუთარი იდენტობა შექმნა.

წლების განმავლობაში გოგონამ არაერთი ტატუ გაიკეთა, რომელთაგანაც თითოეულს საკუთარი მნიშვნელობა აქვს.

ხალხი არა მხოლოდ პარის ჯექსონის გამორჩეული გარეგნობითაა აღფრთოვანებული, არამედ მისი თავდაჯერებულობაც განსაკუთრებით მოსწონთ. სოციალურ მედიაში მას უამრავ კომპლიმენტსა და დადებით შეფასებას უწერენ. "ის ყველაზე ლამაზი ქალია", "ქალღმერთივით გამოიყურება" - ეს და მსგავსი არაერთი კომენტარი იწერება.

გულშემატკივრები აღნიშნავენ, რომ პარის ჯექსონი მამას საოცრად ჰგავს და ამბობენ, რომ მას წინ ჯერ კიდევ არაერთი წარმატება აქვს.