მიუხედავად იმისა, რომ ქეით მიდლტონი თავის სამეფო მოვალეობებს მიმდინარე წლის შემოდგომაზე დაუბრუნდა, მისი ყოველი გამოჩენა სამეფო ოჯახის თაყვანისმცემლებში კვლავაც აჟიოტაჟს იწვევს . ამჯერად პრინცესა სანდრინგემში საშობაო მსახურებას დაესწრო, რომელსაც ყოველწლიურად მთელი სამეფო ოჯახი ესწრება. ქეითზე ზურმუხტისფერი Alexander McQueen-ის პალტო შთამბეჭდავად გამოიყურებოდა, რომელსაც შეუხამა ზამშეს ჩექმები, დახვეწილი ქუდი და შოტლანდიურ სტილში კუბოკრული შარფი. ასევე, შეუძლებელია, არ აღვნიშნოთ კეტრინის ბრწყინვალე თმა — ჩანს, რომ პრინცესას გადატანილი მოვლენები მის გარეგნობაზე არ ასახულა.

• უელსის პრინცესას ჯანმრთელობის მდგომარეობა კვლავ საგანგაშოა - რას ამბობს სამეფო ოჯახის მეგობარი

შეგახსენებთ, რომ უელსის პრინცესა, ქეით მიდლტონი, 2024 წლის იანვარში მუცლის ღრუს ოპერაციის შემდეგ სიმსივნის დიაგნოზით მკურნალობას გადის. მარტში მან თავად განაცხადა, რომ პროფილაქტიკური ქიმიოთერაპიის კურსს გადის და, მიუხედავად დიაგნოზისა, თავს კარგად გრძნობს. მისი ავადმყოფობის შესახებ ინფორმაცია საზოგადოებისთვის მოგვიანებით გახდა ცნობილი, თუმცა დაავადება ოპერაციამდე დიდი ხნით ადრე დაიწყო. ამჟამად პრინცესა გამოჯანმრთელების პროცესშია და სამეფო მოვალეობებს ეტაპობრივად უბრუნდება.