ხშირად ჰოლივუდის ვარსკვლავები სასურველი როლის მისაღებად არაერთ რისკზე მიდიან, გადაღებების, მოსამზადებელი პერიოდის დროს ტრავმას იღებენ და ჯანმრთელობას საფრთხეს უქმნიან. დღეს რამდენიმე შემთხვევას გავიხსენებთ:

მარგო რობი

ვარსკვლავი ფილმისთვის "მე, ტონია" განსაკუთრებით ემზადებოდა. მარგო რობი კვირაში 5 დღის განმავლობაში ინტენსიურად ვარჯიშობდა, რის გამოც მალთაშუა თიაქარი განუვითარდა. (ასევე დაგაინტერესებთ: როცა პროფესია მსხვერპლს მოითხოვს - ამ მსახიობებმა სასურველი როლის მისაღებად გარეგნობა რადიკალურად შეიცვალეს და საკუთარი ცხოვრების წესი გარდაქმნეს)

ეშტონ კატჩერი

მაშინ, როდესაც ეშტონ კატჩერმა შეიტყო, რომ მას სტივ ჯობსის როლი ერგო ფილმში "ჯობსი", სურდა, პერსონაჟის ხასიათი, თვისებები ზუსტად შეესწავლა. მსახიობმა გაიგო, რომ სტივ ჯობსი დიდი რაოდენობით ხილს მიირთმევდა. იმავეს გამეორება თავადაც სცადა, თუმცა, ეშტონის მეუღლის, მილა კუნისის თქმით, მსახიობს პანკრეატიტი განუვითარდა და საავადმყოფოში მოხვდა.

ტომ კრუზი

ფილმში "შეუსრულებელი მისია 6" ტომ კრუზმა ტერფი სერიოზულად დაიზიანა და ძალიან დიდ ტკივილს განიცდიდა. თუმცა, მსახიობმა გადაღებები არ შეწყვიტა და გადაწყვიტა, ფიზიკური ტკივილი მოეთმინა.

ჰოლი ბერი

ფილმის "ნატკენი" გადაღებების დროს, ჰოლი ბერმა ორი ნეკნი მოიტეხა და საავადმყოფოში აღმოჩნდა. მკურნალობის შემდეგ, მან გადაღებები კვლავ განაახლა.

ნატალი პორტმანი

ნატალი პორტმანმა ფილმში "შავი გედი" ნეკნი მოიტეხა. ფილმში ერთ-ერთ ეპიზოდში ბალერინა ექიმთან მიდის და მას ნეკნის მოტეხილობა აღმოაჩნდება. ეს სცენა რეალური აღმოჩნდა.

ტომ ჰენკსი

2000-იან წლებში ტომ ჰენკსს სერიოზული საფრთხე შეექმნა. ფილმს "გარიყული" ფიჯის კუნძულებზე იღებდნენ. მსახიობს უწევდა, ფეხშიშველს ევლო, რის შედეგადაც ფეხი დაიზიანა და ინფექცია განუვითარდა. საბედნიეროდ, შესაბამისი მკურნალობით ყველაფერი მოგვარდა.