მთელი მსოფლიოს კინომოყვარულებისა და ბობ დილანის მსმენელების ყურადღება ახლა ლეგენდარული მუსიკოსის ბიოგრაფიული ფილმის „A Complete Unknown”-ზე არის მიპყრობილი, რომლის მსოფლიო პრემიერაც რამდენიმე დღის წინ შედგა. ფილმში ბობ დილანი როლს, ბოლო წლებში ძალიან წარმატებული და პოპულარული მსახიობი ტიმოთი შალამე ასრულებს.

გავრცელებულ ინფორმაციაზე დაყრდნობით, ტიმოთი შალამეს ძალიან ბევრი მუშაობა და ცვლილება მოუწია, რათა მაქსიმალურად დამსგავსებოდა ბობ დილანს. ამის შესახებ ტიმოთი შალამემ და ფილმის რეჟისორმა ჯეიმს მენგოლდმა გადაცემა All Thing Considered-ში ისაუბრეს.

„მე ყველა მიმართულებით ძალიან ბევრს ვმუშაობდი. მნიშვნელოვანი იყო, რომ ხასიათით, ქცევებით, შესრულების სტილით და რა თქმა უნდა, ფიზიკურადაც ბობ დილანს დავსგავსებოდი. ამისათვის კი, 20 ფუნტის (9 კილოგრამის) მომატებაც დამჭირდა, რადგან გაგიკვირდებათ და მე ზოგადად მასზე (ბობ დილანზე) გამხდარი ვარ“, თქვა ტიმოთი შალამემ გადაცემაში.

ფილმმა უკვე დაიმსახურა მაყურებლის და კრიტიკოსების მოწონება. ტიმოთი შალამე კი, ფილმში შესრულებული მთავარი როლისთვის როლისთვის ოსკარებზეა წარდგენილი.