რამდენიმე დღის წინ ამერიკის შეერთებული შტატების პირველი ლედის, მელანია ტრამპის ოფიციალური პორტრეტი გამოქვეყნდა.
მელანია ტრამპმა ბევრი თბილი კომენტარი მიიღო. თუმცა, პირველი ლედის ოფიციალური პორტრეტი ჟურნალმა Vogue-მა გააკრიტიკა.
რედაქტორების თმით, ყველაფერი კადრში - ტანსაცმელი, დეკორაცია, პოზა - ქმრის რეალითი შოუს პაროდიას ჰგავდა. საუბარია აშშ-ს ახალი პრეზიდენტის რეალით-შოუზე, "შეგირდზე", რომელიც 2017 წლამდე გადიოდა.
"ტრამპი უფრო ჰგავდა მოწვეულ ვარსკვლავს The Apprentice-ში, ვიდრე პირველ ლედის", - წერს ჟურნალისტი ჰანა ჯექსონი და მელანიას Dolce & Gabbana-ს კოსტიუმსაც აკრიტიკებს.
"გასაკვირი არ არის, რომ ოქროთი მოპირკეთებულ პენტჰაუსში მცხოვრებმა ქალმა, რომლის დიდებაც ასეა გადაჯაჭვული რეალითი შოუს იმპერიასთან, 248 წლიანი ტრადიციის გამოც კი არ დათმო თეატრალიზება." - დაწერა ჟურნალმა Vogue-მა. (ასევე დაგაინტერესებთ: მელანია ტრამპი ინაუგურაციის შემდგომ წვეულებაზე ულამაზესი კაბით წარდგა და საზოგადოების ყურადღება კიდევ ერთხელ მიიპყრო)
რაც შეეხება "შეგირდს" - ეს არის 15 ეპიზოდიანი გადაცემა, რომელშიც 16 კანდიდატი იღებს მონაწილეობს. ისინი სხვადასხვა სფეროდან არიან, ზოგი სტუდენტია, ზოგი ქუჩაში ცხოვრობს და არანაირი განათლება არ აქვს. შოუში მათ ყოველ კვირა ახალ-ახალი დავალებები ეძლევათ, რომლებიც მათ ინტელექტსა და კრეატიულობას ამოწმებს. კანდიდატები ერთმანეთს ეჯიბრებიან და იძულებულნი არიან, რომ სხვებს აჯობონ, რომ მიაღწიონ მწვერვალს. ნიუ-იორკში ჩასვლისთანავე 16 კანდიდატს Trump Tower-ში გადაიყვანენ, რათა დონალდ ტრამპს, ამ შოუს მთავარ და მამოძრავებელ ძალას შეხვდნენ. სწორედ ტრამპი გასცემს დავალებებს და ყოველკვირეულ ამოცანებს აწესებს. გამარჯვებულს კი საკმაოდ დიდი თანხა გადაეცემა.
მოდის ჟურნალი აცხადებს, რომ მელანია ტრამპის პირველი ოფიციალური პორტრეტი უფრო სერიოზული უნდა ყოფილიყო. ამ ფორმით კი, მათი შეფასებით, რეალითი შოუს ვარსკვლავს დაემსგავსა.
დონალდ ტრამპის ინაუგურაცია 20 იანვარს გაიმართა. მელანია ტრამპი ამერიკის შეერთებული შტატების პირველი ლედი მეორედ გახდა.