ვალენტინობის დღე გვიახლოვდება. სასიყვარულო ისტორიების, ცხოვრებისეული სიტუაციებისა და მთავარი გმირების გამოცდილების ნახვა კი ბევრ ადამიანს განწყობას უქმნის და ხშირად მოტივაციას აძლევს.

დღეს 5 თანამედროვე რომანტიკული დრამისა და კომედიის შესახებ ვისაუბრებთ, რომლებიც შესაძლოა, არ გინახავთ:

"ოღონდ შენ არა"

რომანტიკული კომედია სიდნი სუინისა და გლენ პაუელის მონაწილეობით ბისა და ბენის შესახებ მოგვითხრობს. მათ ერთმანეთი ერთი ნახვით შეუყვარდებათ, მაგრამ გაუგებრობის გამო, სიყვარულს სიძულვილი შეცვლის. ერთ დღეს ისინი საერთო მეგობრის ქორწილში წავლენ, სადაც მოულოდნელ გადაწყვეტილებას მიიღებენ…

ეს ემოციური ფილმი შესანიშნავი არჩევანია მათთვის, ვისაც სჯერა, რომ სიყვარულსა და სიძულვილს შორის მხოლოდ ერთი ნაბიჯია.

"სიყვარულის დრო"

ფლორენს პიუსა და ენდრიუ გარფილდის ვარსკვლავური დუეტი მოგვითხრობს სიყვარულზე, რომელიც სრულიად მოულოდნელ ვითარებაში იწყება. ალმუთი ტობიასს მანქანით ეჯახება. თუმცა, ჩხუბის ნაცვლად, მათ ერთმანეთი შეუყვარდებათ და დაქორწინდებიან. ბედი კი წყვილს უსიამოვნო სიურპრიზს უმზადებს…

რეჟისორი გვაჩვენებს, რატომ უნდა დავაფასოთ ჩვენი ცხოვრების ყველა დღე და რა ძალა აქვს სიყვარულს.

"ისევ სიყვარული"

რომანტიკული ფილმი პრიანკა ჩოპრასა და სემ ჰიუგანის მონაწილეობით მოგვითხრობს გოგონას შესახებ, რომელმაც საყვარელი ადამიანი დაკარგა და ამის გამო, თავს ძალიან უბედურად გრძნობს. ერთ დღეს ის გარდაცვლილი საქმროს ტელეფონზე მესიჯს აგზავნის, თუმცა არ იცის, რომ მისი ნომერი უკვე სხვას - ჟურნალისტ რობ ბერნსს ეკუთვნის. ის გოგონას სიტყვებით აღფრთოვანდება და მის პოვნას გადაწყვეტს.

"შენთან თუ ჩემთან?"

რომანტიკული კომედია რიზ უიზერსპუნისა და ეშტონ კატჩერის მონაწილეობით ორ მეგობარზე მოგვითხრობს, რომლებმაც ახალგაზრდობაში ერთი ღამე ერთად გაატარეს, თუმცა შემდეგ გადაწყვიტეს, რომ ეს დღე დაევიწყებინათ და მეგობრები გამხდარიყვნენ. წლები გავიდა, დები მარტოხელა დედაა, პიტერი კი წარმატებული კონსულტანტი. ბედი კი მათთვის ისეთ შემთხვევას ამზადებს, რაც მათ გზებს კიდევ ერთხელ გააერთიანებს.

"გავფრინდეთ მთვარეზე"

რომანტიკულ კომედიაში მთავარ როლებს სკარლეტ იოჰანსონი და ჩენინგ ტატუმი ასრულებენ. სცენარი კინენ ფლინისა და ბილ კირსტეინის მოთხრობას ეფუძნება. რეჟისორი გრეგ ბერლანტია. სკარლეტ იოჰანსონი მარკეტინგის მენეჯერის როლშია, ჩენინგ ტატუმი კი ნასას გამშვების დირექტორია. მთავარ გმირებს ევალებათ, ყალბი მთვარე შექმნან იმ შემთხვევაში, თუ რეალური მისია ვერ შესრულდება. ამერიკულმა რომანტიკულმა კომედიამ არაერთგვაროვანი შეფასებები მიიღო.