67 წლის მსახიობმა, შერონ სტოუნმა განაცხადა, რომ ფილმში "Another Simple Favor" უნდა მიეღო მონაწილეობა, თუმცა ის როლიდან გაფრთხილების გარეშე მოხსნეს. ფილმში მთავარ როლებს ბლეიკ ლაივლი და ანა კენდრიკი ასრულებენ და ის ეკრანებზე 1-ელ მაისს გამოვა. აღსანიშნავია, რომ ეს ფილმის მეორე ნაწილია. პირველი ნაწილი მაყურებელმა 2018 წელს იხილა.

"ძალიან მომწონდა, რომ ამ გუნდის ნაწილი ვიქნებოდი, მაგრამ მოულოდნელად როლიდან მომხსნეს." - აღნიშნა მსახიობმა E! News' Hot Goss-თან საუბრისას.

აღსანიშნავია, რომ E! News ფილმის რეჟისორს, პოლ ფეიგს კომენტარისთვის დაუკავშირდა, თუმცა მას გამოცემასთან კომენტარი არ გაუკეთებია. (ასევე დაგაინტერესებთ: "მშვენიერი ხელები მქონდა, მაგრამ ახლა ისინი უფრო ძლიერნი არიან. მერე რა, თუ დანაოჭებულია. შესაძლოა, ნაოჭებია ის, რაც მათ საოცარ ელფერს სძენს" – 66 წლის შერონ სტოუნი ასაკთან დაკავშირებული სტერეოტიპების შესახებ)

მიუხედავად იმისა, რომ ფილმი ჯერჯერობით დიდ ეკრანზე არ გამოჩენილა, მის ირგვლივ ხმაური არ წყდება. უფრო ზუსტად, საუბრობენ, რომ მთავარი როლის შემსრულებლებს - ბლეიკ ლაივლისა და ანა კენდრიკს დაძაბული ურთიერთობა აქვთ. თუმცა, რეჟისორი და მსახიობები ამ ინფორმაციას უარყოფენ.

შერონ სტოუნი კი აცხადებს, რომ მასთან თანამშრომლობა მოულოდნელად, ყოველგვარი გაფრთხილების გარეშე შეწყვიტეს.