ბოლო დროს ჯასტინ ბიბერი სოციალურ ქსელებში განსაკუთრებით აქტიურობს და სხვადასხვა ფოტოსა და ვიდეოს ავრცელებს. პარალელურად, მედიაში განიხილავენ, რომ მას და ჰეილი ბიბერს ქორწინებაში პრობლემები აქვთ. ასევე, წერენ, რომ ჯასტინი ჯანმრთელობის პრობლემებს ებრძვის და სწორედ ამიტომ გამოიყურება უცნაურად.

თუმცა, ცოტა ხნის წინ მომღერალმა ინსტაგრამზე საკუთარი მეუღლის, ჰეილის ფოტო გამოაქვეყნა და მის მიმართ სიყვარული კიდევ ერთხელ დაადასტურა. ფოტოში ჩანს, რომ ჰეილი რესტორანშია, ხელებს ნიკაპით ეყრდნობა და იღიმის. მედიაში წერენ, რომ ჯასტინმა ფოტოთი იმ ადამიანებს გასცა პასუხი, რომლებიც სოციალურ ქსელებში გამუდმებით წერენ, რომ მეუღლეს შორდება. (ასევე დაგაიინტერესებთ: ჰეილი ბიბერი სელენა გომესთან დაკავშირებული ჭორებით დაიღალა და სურს, ცილისწამებას სამართლებრივი გზით ებრძოლოს - მოდელი აპირებს, ადვოკატი აიყვანოს)

გარდა ამისა, 22 მარტს მომღერალმა ინსტაგრამზე ვიდეო გამოაქვეყნა. კადრებში ჩანს, რომ ჯასტინი მუსიკოსებთან ერთად მუშაობს. მან ვიდეოს შემდეგი აღწერა გაუკეთა:

"მძულს ჩემი თავი, როცა ვგრძნობ, რომ არაავთენტურობას ვიწყებ. მძულს, როცა საკუთარი თავის შეცვლას ვიწყებ მხოლოდ იმის გამო, რომ სხვა ადამიანებს ვასიამოვნო." - დაწერა მომღერალმა.

იქამდე, ჯასტინმა ინსტაგრამზე კიდევ ერთი პოსტი გამოაქვეყნა. მსახიობმა საკუთარი და შვილის სურათები ატვირთა და დაწერა, რომ ბრაზის მართვაზე მუშაობს.

გარდა იმისა, რომ ბიბერს უამრავი ადამიანი უჭერს მხარს, მედიასა და სოციალურ ქსელებში მაინც იწერება, რომ მომღერლის მხრიდან უჩვეულო გააქტიურება და უცნაური, ორაზროვანი ტექსტების დაწერა მიუთითებს იმაზე, რომ მას ახლა რთული პერიოდი აქვს.

ჯასტინის ზოგიერთი გულშემატკივარი მის ემოციურ არასტაბილურობას სელენა გომესის პირად ცხოვრებასა და კარიერაში მომხდარ სასიამოვნო სიახლეებს უკავშირებს.

თუმცა, PEOPLE-ს ჯასტინ და ჰეილი ბიბერებთან დაახლოებული წყარო ეუბნება, რომ წყვილს პრობლემები არ აქვს და ყველაფერი კარგადაა:

"ჰეილი მუშაობს. ჯასტინი მუსიკას ქმნის. ისინი უბრალოდ თავიანთ საქმეს აკეთებენ. მათ ხალხის აზრი არ აინტერესებთ. შესანიშნავი მშობლები არიან და ერთად ყოფნა აბედნიერებთ." - ამბობს წყვილთან დაახლოებული ანონიმური წყარო.

ამავდროულად, ჯასტინის წარმომადგენელი მედიაში გავრცელებულ ინფორმაციას, რომლის თანახმადაც წერდნენ, რომ ბიბერი ნარკოტიკებზეა დამოკიდებული, გამოეხმაურა, ინფორმაცია უარყო და თქვა, რომ მომღერალი საკუთარ საქმეს აკეთებს და მუსიკას ქმნის.