გაზაფხული შესანიშნავი დროა იმისათვის, ვარცხნილობა შევიცვალოთ და რაღაც ახალი და განსხვავებული ვცადოთ. მიმდინარე სეზონზე ე.წ. ჰოლივუდის ხვეულები, მჭიდროდ შეკრული თმა, 80-იანი წლების აქტუალური ვარცხნილობები, სხვადასხვა აქსესუარის გამოყენება განსაკუთრებით პოპულარული იქნება. შთაგონებისთვის კი რამდენიმე იდეას გაგიზიარებთ:

ე.წ. ჰოლივუდის ხვეულები

ე.წ. ჰოლივუდის მოცულობითი ხვეულები 2025 წლის გაზაფხულის ერთ-ერთი ყველაზე მოთხოვნადი ვარცხნილობაა. მრავალფეროვნებისთვის შეგიძლიათ, სხვადასხვა აქსესუარი გამოიყენოთ. (ასევე დაგაინტერესებთ: სკანდინავიური გაზაფხული: 10 ტრენდული კომბინაცია თბილი სეზონისთვის ყველაზე მოდური გოგონებისგან)

მჭიდროდ შეკრული თქმა

80-იანი წლების შთაგონებით შესრულებული ეს ვარცხნილობები თქვენს ყოველდღიურობას ნამდვილად გაამრავალფეროვნებს. მარტივი გასაკეთებელია და შეგიძლიათ, როგორც ყოველდღიური სტილის ნაწილად აქციოთ, ასევე სადღესასწაულო და სხვა მნიშვნელოვან დღეებშიც გამოიყენოთ.

აქსესუარები

მიმდინარე სეზონზე აბრეშუმის ლენტები, ქვებით მორთული ოქროსფერი ან ვერცხლისფერი სამაგრები, ყვავილების ფორმის აქსესუარები, დიადემები ასევე განსაკუთრებით მოთხოვნადია.