მომღერალმა კეტი პერიმ, მილიარდერ ჯეფ ბეზოსის საცოლემ, ლორენ სანჩესმა და ეკიპაჟის სხვა წევრებმა დედამიწის ატმოსფერო 15 წუთით დატოვეს
საქმე ეხება ჯეფ ბეზოსის კომპანიის Blue Origin-ის კოსმოსურ ხომალდს, რომლის ბორტზეც იმყოფებოდა პერი. მასთან ერთად კიდევ 5 ქალს მიეცა საოცარი ემოციების განცდის საშუალება: ლორენა სანჩესს, ჟეილ კინგს, NASA-ს მეცნიერ აიშა ბოუვს, ასტრონავტს და მეცნიერს, ამანდა ნგიანს და კერინ ფლინს.
ექვსმა ქალბატონმა ლურჯი უნიფორმები მოირგეს, რომელიც ოფიციალურად ამერიკელი ქალი კოსმონავტების უნიფორმა იქნება და სწორედ მის რეკლამირებას ემსახურებოდა ეს ყველაფერი.
ახალი კოსტიუმები სპეციალურად მისიისთვის შეიქმნა. დიზაინის შექმნაში თავად ლორენ სანჩესიც მონაწილეობდა მოდის სახლ Monse-თან ერთად. როგორც ბრენდის კრეატიულმა დირექტორებმა, ფერნანდა გარსიამ და ლორა კიმმა განაცხადეს, ეკიპაჟისთვის სპეციალური თეთრეულის შექმნაზე უარი თქვეს, რადგან სანჩესმა მკაფიოდ აღნიშნა, რომ ფრენისთვის მხოლოდ Skims-ის თეთრეულს გამოიყენებდა — ეს ბრენდი კიმ კარდაშიანს ეკუთვნის.
როგორც ზემოთ აღვნიშნეთ, კეტი პერიმ და დანარჩენმა ხუთმა ქალმა დედამიწის ატმოსფერო 15 წუთით დატოვეს. სწორედ ასე იყო დაპროგრამირებული კოსმოსური ხომალდი, რომელიც ავტოპილოტით იმართებოდა, 15 წუთის შემდეგ უსაფრთხოდ დაუბრუნდა დედამიწის ატმოსფეროს.
ეს ჯეფ ბეზოსის კომპანიის ხომალდის პირველი გასვლაა დედამიწის ატმოსფეროს გარეთ, რომლის ბორტზეც მხოლოდ ქალები იმყოფებოდნენ.