უკვე რამდენიმე წელია, მედიაში ბრედ პიტისა და ანჯელინა ჯოლის დაძაბული ურთიერთობის შესახებ განხილვაა. ამჯერად ინსაიდერები დაპირისპირების ახალ დეტალებზე საუბრობენ და ამბობენ, რომ პიტი ყოფილ ცოლს შვილებით მანიპულირებაში ადანაშაულებს.

18 წლის შაილო სულ უფრო მეტად ემსგავსება დედას. ადრე ისე იცვამდა, როგორც ბრედ პიტი. გოგონა მის სტილს ხშირად იმეორებდა. ასევე, იმ დღეს, როდესაც შაილო 18 წლის გახდა, მამის გვარზე, პიტზე, უარი თქვა, საბუთები სასამართლოში შეიტანა და შაილო ჯოლი გახდა.

"აშკარაა, რომ შაილო დედის გავლენის ქვეშ მოექცა. ის ცდილობს, მამასთან ნებისმიერი მსგავსება წაშალოს." - ამბობს ანონიმური წყარო. (ასევე დაგაინტერესებთ: "ის ჩემი ბიოლოგიური მამაა, მაგრამ არასდროს ყოფილა ჩემი ცხოვრების ნაწილი. მასზე გაბრაზებული არ ვარ, მაგრამ მასთან შეხვედრა არ მინდა" - ცნობილი ადამიანები, რომლებსაც ოჯახის წევრებთან კონფლიქტი აქვთ)

როგორც ინსაიდერები აცხადებენ, ბრედ პიტი ამის გამო ძალიან ნერვიულობს:

"ეს კიდევ ერთი დასტურია იმისა, რომ ანჯელინა შაილოსა და სხვა შვილებს სრულად მართავს. ბრედი, წლებია, საუბრობს, რომ ყოფილი ცოლი ცილს სწამებს და შვილებს მის წინააღმდეგ განაწყობს. ბავშვები მისგან გააუცხოვა, მაგრამ ახლა ბრედი თვლის, რომ სიტუაციამ კრიტიკულ დონეს მიაღწია." - ამბობს ბრედ პიტთან დაახლოებული ანონიმური წყარო.

ბრედ პიტსა და ანჯელინა ჯოლის შორის დაპირისპირება მათი განქორწინების პროცესის შემდეგ დაიწყო და ის ძირითადად შვილების მეურვეობას, ოჯახური ძალადობის ბრალდებებსა და ფინანსურ საკითხებს ეხებოდა. მიუხედავად იმისა, რომ ისინი ოფიციალურად უკვე განქორწინებულნი არიან, იურიდიული დავა შვილების მეურვეობასა და ქონებრივ საკითხებზე კვლავ გრძელდება.