ბოჰოს სტილი ზედიზედ მესამე სეზონია, აქტუალურობას არ კარგავს და 2025 წლის ზაფხულშიც განსაკუთრებით მოთხოვნადი იქნება. შესაბამისად, მომდევნო სეზონზე ბოჰოს სტილის სამოსი, აქსესუარები აუცილებლად დაგვჭირდება. იმისათვის, რომ დახვეწილი და ელეგანტური კოსტიუმები შექმნათ, რამდენიმე მნიშვნელოვან რეკომენდაციას გაგიზიარებთ:
უპირატესობა ნატურალურ ქსოვილს მიანიჭეთ. მაგალითად, ბამბისგან შეკერილი სამოსი ბოჰოს სტილში იდეალურად ჯდება. აბრეშუმი, ატლასი, ალბათ, ნაკლებად გამოგვადგება. ჯობს, აქცენტი თხელ, მაგრამ რბილ ქსოვილებზე გავაკეთოთ. (ასევე დაგაინტერესებთ: ბელა ჰადიდის ელეგანტური, მაგრამ მარტივი სტილი, რომელიც შესაძლოა, მიმდინარე სეზონზე ინსპირაციისათვის გამოგადგეთ)
ნუ შეგეშინდებათ ექსპერიმენტების, აქცენტი გააკეთეთ რეტრო-სტილზე, გამოიყენეთ ისეთი ნივთები, რომლებიც წლების წინ იყო აქტუალური, რადგანაც ისინი ახლა კვლავ მოთხოვნადია.
სხვადასხვა ორნამენტით გაფორმებული სამოსი 2025 წლის ზაფხულისათვის ნამდვილად გამოგვადგება.
ბოჰოს სტილის შესაბამისი დეკორით გაფორმებული სამოსი ასევე შესანიშნავი არჩევანი იქნება, რაც ელეგანტური და დახვეწილი ლუქის შექმნაში დაგეხმარებათ.
ბოჰო სტილის ლუქს ნამდვილად ბევრი დეტალი უნდა ჰქონდეს. ამიტომ, თავისუფლად შეგიძლიათ, ზედა და ქვედა ნაწილები სხვადასხვა პრინტთან ან კონტრასტულ ფერებთან ერთად გამოიყენოთ.