სარა ჯესიკა პარკერი საკულტო სერიალის "სექსი დიდ ქალაქში" და მისი გაგრძელების - "ასე, უბრალოდ" ვარსკვლავია და უამრავი გულშემატკივარი ჰყავს. თუმცა, მსახიობი ამბობს, რომ ბოლომდე არც ერთი სერია უნახავს...
"ღმერთო ჩემო, არა. მე არ ვუყურებ. "ასე, უბრალოდ" არასდროს მინახავს. არც სერიალის "სექსი დიდ ქალაქში" უმეტესი მონაკვეთი მინახავს." - თქვა პარკერმა E! News-თვის მიცემულ ინტერვიუში.
სარა ჯესიკა პარკერსა და მეთიუ ბროდერიკს 22 წლის ვაჟი, ჯეიმს უიკლი და 13 წლის ტყუპი, ტაბიტა და მარიონი ჰყავთ. როგორც პარკერი ამბობს, სერიალი არც ტაბიტასა და მარიონს უნახავთ. (ასევე დაგაინტერესებთ: მილიონერი ვარსკვლავები, რომლებიც მოკრძალებულად ცხოვრობენ და მდიდრულ ნივთებსა და პრივილეგიებზე უარს ამბობენ)
"ვფიქრობ, ძალიან უცნაურია, რომ ისინი ამ სერიალის მაყურებელთა რიგებში არ არიან. ჯეიმს უიკლის შემთხვევაში, თავიდან ის სერიალის "ასე, უბრალოდ" პრემიერას დაესწრო. შემდეგ შოუებსაც უყურა. მაგრამ, სასკოლო დავალებები ხელს უშლიდა. თუმცა, თუ ისინი სერიალის ნახვას მოინდომებენ, მათთვის ხელმისაწვდომი იქნება. ჩემგან არანაირი ზეწოლა არ იქნება." - ამბობს მსახიობი.
სარა ჯესიკა პარკერი აღნიშნავს, რომ სერიალის გადაღებები მისთვის ყველაზე დასამახსოვრებელი ეტაპია და ეს პროცესი განსაკუთრებით უყვარს, თუმცა ეკრანზე საკუთარი თავის ნახვა არ სურს.