უმა თურმანი კვლავ ითამაშებს ფილმში სამუელ ჯექსონთან ერთად, ოღონდ ახალ პროექტში მსახიობებს მისი ქალიშვილი მაია ჰოუკიც შეუერთდა. ეს იქნება პირველი შემთხვევა, როდესაც დედა და ქალიშვილი ერთად ითამაშებენ.

საუბარია კომედიურ თრილერზე The Kill Room. The Hollywood Reporter-ის ცნობით, გადაღებები ნიუ-იორკსა და ნიუ ჯერსიში მაისში დაიწყება. რეჟისორი იქნება კომიკოსი ნიკოლ პაონი, რომელიც მანამდე სკეტჩ- შოუებს დგამდა.

სიუჟეტში მკვლელი, მისი ბოსი და არტ- დილერი ფულის გათეთრების სქემას იგონებენ, რომელიც შემთხვევით, მკვლელს ავანგარდული ხელოვნების სენსაციად აქცევს. და გინდა თუ არ გინდა, მოგიწევს დააგდო იარაღი და გახდე ხელოვანი. მთავარ როლს True Blood ვარსკვლავი ჯო მანგანელო შეასრულებს.

შეგახსენებთ, რომ უმა თურმანის უფროსი ქალიშვილი მსახიობ ითან ჰოუკთან ქორწინებაში შეეძინა. მაია 24 წლის ხდება ამ ზაფხულს და უკვე ითამაშა ათეულ პროექტში, მათ შორის Stranger Things და Once Upon a Time in Hollywood.