მელანი გრიფიტი ორი შვილის დედაა. მის უფროს ქალიშვილს, დაკოტა ჯონსონს ყველა იცნობს, თუმცა უმცროს გოგონაზე ბევრი არაფერია ცნობილი.

მელანი გრიფიტს დაკოტა ჯო ჯონსონისგან შეეძინა, თუმცა 1995 წელს წყვილი ერთმანეთს დაშორდა. ცოტა მოგვიანებით, ერთ-ერთი ფილმის გადასაღებ მოედანზე გრიფიტი ანტონიო ბანდერასს შეხვდა. დაიწყო ვნებიანი რომანი, თუმცა ორივე მსახიობი ჯერ კიდევ განქორწინების პროცესში იყო. მალე გრიფიტმა გაიგო, რომ ორსულად იყო და 1996 წლის 14 მაისს ისინი დაქორწინდნენ. რამდენიმე თვის შემდეგ, იმავე წლის 24 სექტემბერს, შეეძინათ ქალიშვილი - სტელა დელ კარმენ ბანდერას გრიფიტი.

მიუხედავად იმისა, რომ გრიფიტი და ბანდერასი 2014 წელს დაშორდნენ, მათ შესანიშნავი ურთიერთობა შეინარჩუნეს, განსაკუთრებით კი საერთო ქალიშვილის გამო.

სტელა 24 წლისაა და გამორჩეული გარეგნობა აქვს. გოგონამ ერთ, ამავდროულად თავის უკანასკნელ ფილმში ითამაშა. მსახიობი მშობლების მიუხედავად, მან საკუთარი თავი ამ სფეროში ვერ დაინახა. დღეს ის მოდელი და ბიზნესმენია - ბანდერასს სილამაზის პროდუქტების საკმაოდ პოპულარული და მოთხოვნადი ხაზი აქვს.