როგორ ისუნთქოთ სწორად იმისთვის, რომ ლამაზი კანი გქონდეთ

საიდუმლო არ არის, რომ სუნთქვა დიდ გავლენას ახდენს ჩვენს ფიზიკურ, ემოციურ და ფსიქოლოგიურ მდგომარეობაზე.
სწორი სუნთქვის გარეშე ვერცერთი ვარჯიში ვერ შედგება. მეტ-ნაკლებად, ყოველთვის გვახსოვს, რომგაცნობიერებული სუნთქვა ტკივილის მოხსნაში გვეხმარება და ამშვიდებს გონებას. რაც შეეხება ფიზიკურ მდგომარეობას - ღრმა სუნთქვა ხელს უწყობს ორგანიზმიდან ჭარბი ნახშირორჟანგის აღმოფხვრას, უზრუნველყოფს ჟანგბადით, აძლიერებს ქსოვილებს, აუმჯობესებს სისხლისმიმოქცევას და ებრძვის კანზე "სტრესის ჰორმონის" - კორტიზოლის გავლენას. შედეგად კანი აღარ არის გამომშრალი, რეგულირდება კოლაგენის გამოყოფა, რაც პასუხისმგებელია კანის ბუნებრივ დატენიანებასა და მის სწრაფ აღდეგნაზე.


სასწაულად ჟღერს - განსაკუთრებით
აღსანიშნავია ფაქტი, რომ სილამაზის ეს შესანიშნავი საშუალება არაფერი ღირს და ხელმისაწვდომია ყველასთვის, ნებისმიერ დროსა და ადგილას.

საზოგადოების Homestead Apothecary -ის დაფუძნებლის, ეშლი ნისის სეანსებს ხშირად სტუმრობენ სწორად სუნთქვის შესასწავლად - დიაფრაგმისა და მუცლის კუნთების გამოყენებით. მომხმარებლები როგორც კი გაითავისებენ სხვადასხვა სავარჯიშოებს, ეშლი თითოეულ მათგანს სუნთქვის პირად კომპლექსს უდგენს - მკურნალობის ინდივიდუალური მოთხოვნების შესაბამისად. თუ თქვენი მთავარი ამოცანა ჯანმრთელი კანია, "ისუნთქეთ" დილით და ძილის წინ. რეგულარული პრაქტიკის 3 თვიანი კურსის შემდეგ, შეამჩნევთ, თუ როგორ შემცირდება ანთება ორგანიზმსა და კანზე.

არ დაგავიწყდეთ: პირველი, რაც თქვენს ახლადგაღვიძებულ ორგანიზმს სჭირდება - სისხლისმიმოქცევის "გაღვიძებაა". ის პასუხისმგებელია კანის ფერზე, ენერგიასა და სასიცოცხლო ძალაზე. მოეწყვეთ კომფორტულ მდგომარეობაში, ღრმად შეისუნთქეთ ცხვირით, სწრაფად ამოისუნთქეთ პირით და ასე გაიმეორეთ 5-ჯერ. ეს ტვინს გადასცემს სიგნალს, რომ დროა სხეული გააქტიურდეს.



საღამოს დავალება პირიქითაა - უნდა დაამშვიდოთ ნერვული სისტემა და სხეული ღრმა აღმდეგნი ძილისთვის განაწყოთ. მხოლოდ ის აჩუქებს თქვენს კანს ლამაზ ფერს და არ გაგიჩენთ თვალების გარშემო შავ წრეებს. დაწექით ლოგინში და ვიდრე დაიძინებთ, ისუნთქეთ ცხვირით 5-10 წუთის მანძილზე. ამგვარი სუნთქვა ფილტვებს ჟანგბადის გამოყოფისთვის მეტ დროს მისცემს. ამოისუნთქეთ ორმაგად ძლიერად, ვიდრე ჩვეულებრივ - მოდუნდებით და მოემზადებით დასვენებისთვის.

ანა ვერძაძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას