როგორ აღნიშნა რადიო პალიტრამ აჭარაში შესვლა

რადიო პალიტრამ აჭარაში მაუწყებლობის დაწყება და 10 წლის იუბილე ბათუმში, გემზე გამართულ წვეულებაზე აღნიშნა. როგორც ღონისძების ორგანიზატორებმა განაცხადეს, აჭარა რადიო პალიტრისთვის ძალიან მნიშნელოვანი რეგიონია ამიტომაც მიიღეს გადაწყვეტილება რომ მაუწყებლობა განსხვავებულად
და ორიგინალურად აღენიშნათ.

საღამოს 8 საათზე, ჯადოსნურად დაიწყო წვეულება და აჭარის რეგიონში მაუწყებლობის აღსანიშნავი საღამო შავი ზღვის ნაპირთან, რომელსაც "გემი ბათუმი" მასპინძლობდა და კიდევ უფრო ჯადოსნურად გაგრძელდა - თავდაპირველად, ღონისძიებაზე მოწვეული სტუმრები რადიო "პალიტრის" 10-წლიან ისტორიასა და გეგმებს გაეცნენ, შემდეგ კი გრანდიოზული გათამაშების დროც დადგა, რადიო "პალიტრამ" 30-ზე მეტი პრიზი გაათამაშა და კიდევ უფრო გაულამაზა სტუმრებს საღამო.

გარდა ამისა, საღამოზე ყველა სტუმარს საზაფხულო ჩანთა და კოსმეტიკური საშუალებები გადაეცა საჩუქრად... და როცა ყველა ფიქრობდა, რომ გათამაშება ღონისძიების ბოლო აკორდი იქნებოდა, გაირკვა, რომ ეს ამ საოცარი ღონისძიების მხოლოდ დასაწყისი იყო. წინ სტუმრებს საქართველოში ნომერი პირველი შეფ-მზარეულის, ლევან კობიაშვილის სპეციალურად რადიოს იუბილესთვის მომზადებული კერძები და კახაბერის საოცარი მუსიკის ჰანგები ელოდა. ღონისძიების კულმინაცია საიუბილეო ტორტის გაჭრა და გრანდიოზული ფეიერვერკი იყო.

წვეულებას ცნობილი სახეები და რადიო პალიტრის მეგობარი კომპანიების წარმომადგენლები ესწრებოდნენ.

ეკა მამალაძე, მომღერალი: "ყველაფერი საოცრად ლამაზია - ამინდი, გემი, მშვიდი ზღვა, მუსიკა - ასეთ მაღალ დონეზე ორგანიზებულ ღონისძიებაზე დიდი ხანია არ ვყოფილვარ. რადიო "პალიტრას" ხშირად ვუსმენ და თქვენი ერთგული გულშემატკივარი ვარ - წლებია განსაკუთრებულ პატივს გცემთ მაუწყებლობის მაღალი სტანდარტის დამკვიდრებისთვის, რაც პირველ რიგში ქვეყნის განვითარებისთვისაა მნიშვნელოვანი. კიდევ უფრო დიდ წარმატებას გისურვებთ".

ნინო არაზაშვილი, ჟურნალისტი: "როგორც წესი, დაბადების დღეზე საჩუქრებს იუბილარი იღებს, რადიო "პალიტრამ" კი სტუმრებისთვის უამრავი შესანიშნავი პრიზი გასცა - ამაშიც ჩანს თქვენი განსაკუთრებულობა. ვულოცავ რადიო "პალიტრის" თითოეულ თანამშრომელს იუბილეს, ვუსურვებ დიდ წარმატებას. გილოცავთ აჭარის ბაზარზე გამოსვლას. კარგი გადაწყვეტილება იყო, რომ შავი ზღვის ტალღებში გვესეირნა და ასეთი დაუვიწყარი საღამო გვაჩუქეთ გემზე".


სანდრო ონოფრიშვილი, მთის კურორტების განვითარების სააგენტოს ხელმძღვანელი: "გილოცავთ. საამაყოა, რომ უკვე გუდაურსა და ბაკურიანში დიდი ხანია მაუწყებლობთ. გისურვებთ წარმატებას".


ლაშა ღლონტი, მომღერალი: "ბევრს ვმოგზაურობ, უამრავ ქვეყანაში ვარ ნამყოფი და მათ შორის ძალიან მაღალი დონის საღამოებზე, თუმცა ასეთ მაგარ სიტუაციაში პირველად ვიყავი და შთაბეჭდილებებსა თუ ემოციებს დღემდე ვერ ვმალავ. გემით ჩემს სახლს ჩავუარეთ, ადგილს, სადაც დავიბადე და გავიზარდე - ბათუმში მაქვს მთელი ბავშვობა გატარებული, თუმცა ზღვიდან სანაპიროს ხედი პირველად რადიო "პალიტრის" დამსახურებით ვნახე. მადლობას ვუხდი "პალიტრას" ჩემი ოცნებებისა და სიხარულის პალიტრის მოწყობისთვის - ამ ემოციებს ცხოვრების ბოლომდე ვერ დავივიწყებ".

კახაბერი, მუსიკოსი : დარწმუნებული ვარ რადიო პალიტრას ჩემი აჭარა და ბათუმი ძალიან მალე შეიყვარებს, დღევანდელ დღეს კი მე ჩემს მუსიკას ვუზიარებ რადიო პალიტრის წვეულებაზე მოსულ სტუმრებს, ისევე როგორც რადიო პალიტრა აზიარებს ყოველთვის სასიამოვნო მუსიკას, კარგ განწყობას და სანდო ინფორმაციას, გილოცავთ ათი წლის იუბილეს.

თამარ ცაგარეიშვილი, რადიო "პალიტრის" პროგრამების ხელმძღვანელი: "რადიო "პალიტრა" აჭარაში იმავე ტალღაზე მაუწყებლობს - FM 103.9! ასე რომ, უკვე შავიზღვისპირეთს შეუძლია მოისმინოს ჩვენი ხმა, რესპექტაბელური, სანდო და რაც მთავარია, მიუკერძოებელი ინფორმაცია. ამ წვეულებით ჩვენ კიდევ უფრო ახლოს მოვედით აჭარასთან და ჩვენთვის მნიშვნელოვან რეგიონში შემოსვლა განსაკუთრებულად აღვნიშნეთ".

თუმცა რადიო პალიტრის იუბილე ამით არ დასრულებულა, ღონისძიებას და რადიო პალიტრის სტუმრებს მეორე დღეს კლუბი სექტორი 26 მასპინძლობდა, სასიამოვნო მუსიკითა და უგემრიელესი კერძებით.

წვეულების პარტნიორები იყვნენ: გენერალური სპონსორი "ფინკა ბანკი საქართველო"; ღონისძიების პარტნიორი ფრანგული კოსმეტიკის ბრენდი „ნუქსი“; მაღაზიათა ქსელი ზოდი; დეოდორანტები ფრანგული პარფიუმით OE; „18 კარატი ფრეშეს ქრაფთს“ - ექსკლუზიური უმაღლესი 750 სინჯის ოქროს ნაკეთობები და ბრილიანტები franco fontana-ს ქართველი პარტნიორებისგან; ნუტრი კოსმეტიკური ბრენდი „ვიადერმი“; კომპანია „გაგრა პლუსი“ კი არაყი სტოლით იყო წარმოდგენილი.

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
კლაუდია კარდინალეს იშვიათი ფოტოები
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას