დეტოქსი

როგორ ჩადგეთ სწრაფად ფორმაში დღესასწაულების შემდეგ - 8 საათიანი დიეტის ძირითადი პრინციპი
8 საათიანი დიეტის ძირითადი პრინციპი ინტერვალებით შიმშილია.

დღის განმავლობაში საკვების მიღება შეიძლება მხოლოდ 8 საათის განმავლობაში, დანარჩენი 16 საათი კი მხოლოდ წყლით ან ჩაით შემოიფარგლებით. კვების ეს სისტემა პირველად 2012 წელს გამოჩნდა, როცა დევიდ ზინჩენკოს წიგნი გამოვიდა, რომელიც New York Times-ის ბესტსელერი გახდა. რამდენიმე კვლევის შემდეგ, რომლებმაც ჯანმრთელობაზე ზიანის მიყენების გარეშე დიეტის ეფექტურობა დაამტკიცეს, მასზე კვლავ ალაპარაკდნენ.

კვების დრო შეგიძლიათ დამოუკიდებლად შეარჩიოთ - დილით 7 -ზე ან 11 სთ-ზე. თუ რას მიირთმევთ არჩევანი თქვენზეა. აკრძალვები არ არის, მაგრამ სწორი კვების წესს არავინ გამორიცხავს: დიდი რაოდენობით ბოსტნეული, მინიმუმი ტკბილი და ცომეული. დანარჩენი 16 სთ-ის მანძილზე შეგიძლიათ დალიოთ წყალი, შავი ყავა ან მწვანე ჩაი.

„16:8“-ის იდეოლოგები ამბობენ, რომ მაქსიმალურ შედეგს 8 კვირაში მიიღებთ. კიდევ ერთი აშკარა უპირატესობა - მეტაბოლიზმის დაჩქარებაა, რაც დამტკიცებულია ამერიკელი მეცნიერების მიერ.

3 გამაახალგაზრდავებელი პროდუქტი, რომლებიც თქვენს რაციონს აუცილებლად უნდა დაუმატოთ
ბურგერებისა და კარტოფილი ფრის სიყვარული შეიძლება ახალი და სასარგებლო გემრიელობებით ჩაანაცვლოთ, მაგ: პარკოსნების სალათით ან დესერტით ჩიას მარცვლებით. რაც უფრო მრავალფეროვანი იქნება თქვენი რაციონი, მით უფრო მარტივად დაანებებთ თავს ძველ ჩვევებს. შთაგონებისთვის გთავაზობთ გაეცნოთ ჩვენს რჩევებს სწორ კვებაზე. 

მწვანე წვენები

თუ სწორი კვების ექსპერტებსა და ვარსკვლავებს დავუჯერებთ, ახლადდაწურული მწვანე წვენი დღის საუკეთესო დასაწყისია. მიუხედავად იმისა, რომ წვენი ნაკლებ უჯრედისს შეიცავს, ორგანიზმი მაინც იღებს ყველა აუცილებელ მაკრო და მიკროელემენტებს. საუკეთესო ვარიანტი მწვანე ბოსტნეულისგან დამზადებული წვენია. სიტკბოს მისაცემად შეგიძლიათ დაუმტოთ ვაშლი ან მსხალი. უნივერსალური რეცეპტი: კიტრი, ნიახური, სალათის ფურცლები, ოხრახუში, კოჭა, ლიმონი და ვაშლი.


პარკოსნების ღივები

აუცილებელი პროდუქტია მათთვის, ვისაც ჯნმრთელობის პრობლემები აქვს. ღივები წარმოუდგენლად მდიდარია ვიტამინებით, ფერმენტებითა და ამინომჟავებით. გარდა ამისა ღივები საკუთარ სასიცოცხლო ენერგიას აძლევენ ადამიანს, ასტიმულირებს ნივთიერებათა ცვლას, აძლიერებს იმუნიტეტს და აახალგაზრდავებს ორგანიზმს. უმჯობესია ორგანული პროდუქტების მაღაზიაში შეიძინოთ ან დამოუკიდებლად მოიყვანოთ. ღივები შეგიძლიათ დაუმატოთ სალათს.


მწვანილი

მთავარი წესი - რაც უფრო მუქი შეფერილობისაა სალათის ფურცელი, მით მეტი ქლოროფილი, A და B ვიტამინები, თუთია, რკინა და უჯრედისია მასში. კომბოსტო, წითელი მხალი, ისპანახი, სალათის ფურცლები ორგანიზმს სასარგებლო ნივთიერებებით ავსებენ, ყოველგვარი კალორიების გარეშე. მწვანილი სისხლში შაქრის შემცველობას ამცირებს, ძლიერი ანტიოქსიდანტია და აფერხებს ქსოვილის დაბერების პროცესს.


თუ გსურთ წონის დაკლება სწორად - მავნე პროდუქტები რომლებიც, არ უნდა მიირთვათ
სტატიაში წაიკითხავთ მავნე პროდუქტების შესახებ და ასევე იმას, თუ რა უნდა ვჭამოთ, თუ გვსურს ჯანსაღი ცხოვრების წესის დაცვა, გახდომა და ა.შ.
მავნე პროდუქტები, რომლებიც არ უნდა მივირთვათ, თუ გვსურს გახდომა.


1). კეტჩუპი, მაიონეზი, არაჟანი და სხვა მსგავსი პროდუქტი.

2) კარაქი,ზეთი


3) უნდა ამოიღოთ კვების რაციონიდან შემწვარი პროდუქტები!! ისინი გამოყოფენ კონცეროგენებს...

4) თეთრი პური და სხვა სახის ცომეული..

6) შაქარი.

7) ტკბილეული.

8) ღორის ხორცი და მისი ხორცისგან (ფარშისგან) დამზადებული ნებისმიერი პროდუქტი.

9) ნახევარფაბრიკატები და ფასთფუდები..

თუ გვსურს წონის დაკლება და ნივთიერებების

დარეგულირება ორგანიზმში, აუცილებლად უნდა მიიღოთ მხოლოდ უმი, ორთქლზე მომზადებული, ან მოხარშული პროდუქტი. დაიცავით ბალანსი ცილებს, ცხიმებსა და ნახშირწყლებს შორის!
მნიშვნელოვანია, როგორ ვიკვებებით და რა სახის საკვებს მივიღებთ, და როგორ გვექნება გადანაწილებული რაციონი.

თქვენი რაციონის შემადგენელი პროდუქტები უნდა იყოს სწორად თანმიმდევრულად შერჩეული და უნდა უხდებოდნენ წინა კვების შემადგენელ პროდუქტებს.
რძის ნაწარმი და ბურღულეული აუცილებელია ყოველდღიურად, ამ პროდუქტების გარეშე, შედეგის მიღწევა პრაქტიკულად და თეორიულად შეუძლებელია.

კონკრეტული სახელწოდებით არსებული და გავრცელებული, ე. წ. ცილოვანი დიეტა, წყლის დიეტა, საზამთროს დიეტა, კოქტეილის დიეტა და სხვა
ზემოთხსენებული (დიეტები) ორგანიზმისთვის საზიანოა. უმეტესობა მათგანი დაფუძნებულია შიმშილზე და დისბალანსზე.

დიეტა ლათინური სიტყვაა და ნიშნავს ჯანსაღ კვებას, თუ დღის კვება არ შეიცავს 5 ძირითად კომპონენტს, როგორიცაა ცილები, ნახშირწყლები, ხილი, ბოსტნეული, მცენარეული ცხიმი, ესე იგი დიეტა არ შედგა და კვება არის არა სრულფასოვანი.
მოასწარი ახალ წლამდე: როგორ დავიკლოთ წონაში დღესასწაულამდე 2 კვირით ადრე
გულწრფელად რომ ვთქვათ, 2 კვირაში ბევრი კგ-ს დაკლება ვერ მოესწრება. მაგრამ ფორმაში ჩადგომა სრულიად შესაძლებელია.  
გიამბობთ, თუ როგორ უნდა გააკეთოთ ეს ჯანმრთელობისთვის ზიანის მიყენების გარეშე. შიმშილი გამორიცხეთ. ეს კარგს არაფერს მოგიტანთ. ამას აუცილებლად მოჰყვება მდგომარეობის გაუარესება და ცუდი განწყობა. დაიმახსოვრეთ, რომ გასახდომად, არც ინტენსიური დატვირთვა გამოგადგებათ. ის შიმშილის გრძონას ზრდის, ე.ი.ჭამის სურვილი კიდევ უფრო გაგიძლიერდებათ. გარდა ამისა, დატვირთული ვარჯიშები ქსოვილის შეშუპების პროვოცირებას ახდენს, ამიტომ გარეგნობით კმაყოფილი ვერ იქნებით - თქვენი წელის გარშემოწერილობა აუცილებლად გაიზრდება.

თუ რეკომენდებულ ფიზიკურ დატვირთვას მიმართავთ, აირჩიეთ ისეთები, რომლებიც სიამოვნებას მოგანიჭებთ, აამაღლებს ტონუსს და გაგიუმჯობესებთ განწყობას.
ეს შეიძლება იყოს ცეკვა და გაწელვები. მათში მთავარია დოფამინის გამომუშავება, რაც განწყობას გაგიუმჯობესებთ. ამ მდგომარეობაში ჭამაზე ნაკლებად იფიქრებთ და დანაყრების სურვილი აღარ გექნებათ.

მთავარი წესი - იკვებეთ პორციებით და რეგულარულად. მიირთვით დღეში არანაკლებ 5-ჯერ, მაქსიმალური შედეგის მისაღებად კი, შეამცირეთ ნახშირწყლები. ასევე რაციონში შეიტანეთ წვნიანები უცხიმო თევზით, ქათმის ან ინდაურის ხორცით.

ანა ვერძაძე
ზოგიერთს უფრო მხურვალე უყვარს: რით არის სასარგებლო ცხარე საკვები
ალბათ, გყავთ ისეთი ნაცნობები, რომლებსაც ძალიან არ უყვართ მწარე კერძები, თუმცა კულინარიული ინდუსტრიის ექსპერტები ამტკიცებენ, რომ ასეთი ადამიანები იმათზე გაცილებით ნაკლები არიან, ვიდრე ისინი, ვისაც სანელებლებიანი ექსპერიმენტები მოსწონთ. გაირკვა, რომ ზომიერად ცხარე საკვები მავნე სულაც არ არის, მეტიც, ის ჯანმრთელობისთვის სასარგებლოა.


ცხარე საკვები აძლიერებს ჯანმრთელობას

წიწაკა ჩილი შეიცავს ალკალოიდ კაპსაიცინს, რაც მას ძალიან ცხარე გემოს სძენს. კვლევამ დაამტკიცა, რომ კაპსაიცინი კლავს ფილტვებში, კუჭქვეშა და პროსტატას ჯირკვლებში წარმოქმნილ სიმსივნურ უჯრედებს, ამასთან არ აყენებს ზიანს ჯანმრთელ ორგანოებს.

სანელებლები წვავენ კილოგრამებს

ის, რომ ცხარე სანელებლები წვავენ ცხიმებს დიდიხნის დამტკიცებული ფაქტია. ზომიერად ცხარე სანელებლები აჩქარებენ ნივთიერებათა ცვლას და ასტიმულირებენ მეტაბოლიზმს, რაც თავის მხრივ ორგანიზმს აიძულებს ენერგია ეფექტურად და უფრო სწრაფად დაწვას. გარდა ამისა კერძზე ჩილის დამატება აქვეითებს შიმშილის გრძნობას.

კარი სადილად - დიდი სარგებელი
ინდური კარი არა მხოლოდ გემრიელი, არამედ ძალიან სასარგებლო კერძია - სხვადასხვა წიწაკის, სანელებლების, ჩილისა და კურკუმას კომბინაცია დადებითად აისახება სისხლის მიმოქცევაზე და ეხმარება გულ-სისხლძარღვთა დაავადებების დროს, აფერხებს თრომბის წარმოქმნას და აძლიერებს სისხლძარღვებს.

სანელებლები სასარგებლოა გაციებისა და ცუდი განწყობის დროს
ცხარე სანელებლები გაგანთავისუფლებთ გაციებისა და სურდოგან, ასევე შეგიმსუბუქებთ გაღიზიანებულ ბრონქებს, დაგეხმარებათ ასთმის დროს. მეცნიერები ადასტურებენ, რომ ზომიერად ცხარე კერძების რეგულარული მიღება ამაღლებს განწყობასაც ენდორფინების ხარჯზე, რაც ორგანიზმის საერთო „გახურების“ დროს გამოიყოფა.

ანა ვერძაძე
მარტივი და გემრიელი კივის დიეტა - დღეში მინუს 1 კგ
კივი შეიცავს ცხიმისმწველ მცენარეულ ნივთიერება კარნიტინს; ასევე, ნაყოფი მდიდარია უჯრედისით და ვიტამინით C,

ფლავონოიდებით და ანტიოქსიდანტებით. ამასთან - დაბალკალორიულია! იდეალურია განტვირთვის დღეებისთვის: მისი ქსოვილური სტრუქტურა საშუალებას გვაძლევს, ვაკონტოლოთ მადა.

სასარგებლოა 1 კივის მიღება უზმოზე, რა თქმა უნდა, იმ პირობით, თუკი არ გაწუხებთ კუჭის წყლული ან გასტრიტი.
ეს ხილი ასუფთავებს ნაწლავებს, ხოლო მასში შემავალი ვიტამინების საბადო საშუალებას გვაძლევს, სწრაფად დავნაყრდეთ.

განტვირთვის დღე კივიზე

კვირაში ერთხელ შესაძლებელია მოაწყოთ განტვირთვის დღე კივით. ამ დროს რეკომენდებულია, მთელი დღის განმავლობაში მიირთვათ 6 ცალი კივი და დალიოთ 1,5 ლ უცხიმო კეფირი ან ბუნებრივი იოგურტი. კივის ჯადოსნური თვისებების წყალობით 1 დღეში 2 კგ-ს დაიკლებთ.
განტვირთვის დღეს შეგიძლიათ მიირთვათ ასევე კოქტეილი: დააბლენდეროთ კივი, ფორთოხალი ან კენკრა კეფირთან ერთად. ეს კოქტეილი გაამრავალფეროვნებს განტვირთვის დღის მენიუს და საკვების შეზღუდვას არ გაგრძნობინებთ, ორგანიზმი კი ამ შემთხვევაშიც ეფექტურად გაიწმინდება!
ყველაზე  ეფექტური დიეტა -  მინუს 5 კგ 2 კვირაში
5 კგ-ის დაკლება ერთ კვირაში - რეალურია, მაგრამ დიეტის მაქსიმალური კურსი 14 დღეა. მისი დაცვა მიზანშეწონილი, წელიწადში მხოლოდ ერთხელაა.


1 დღე

დღის რაციონი: 2 ან 3 კვერცხი; ცოცხალი ხილი და ბოსტნეული.

2 დღე

450-550 გრ უცხიმო ხაჭო არაჟნით; 1 ლ. უცხიმო კეფირი.

3 დღე

დღის მანძილზე მიიღეთ ხილი და ბოსტნეული; 1 ლ. კეფირი, 1 ლ. ხილის ფრეში.

4 დღე

500 გრ. ქათმის მკერდი, 1 ლ კეფირი.

5 დღე

მხოლოდ ხილი და ბოსტნეული

6 დღე

400-500 გრ ხაჭო არაჟნით, 1 ლ. კეფირი


7 დღე

ხილი და ბოსტნეული

8 დღე

300 გრ ქათმის ხორცი (მოხარშული); 1 კვერცხი; ბოსტნეულის სალატა.

9 დღე

ცოცხალი ხილი, 150 გრ ძროხის ხორცი; კიტრისა და პომიდორის სალათა.

10 დღე

150 გრ თევზი; 2 ნაჭერი გახუხული პური; ბოსტნეულის სალათა; 0,5 ლ. კეფირი.

11 დღე

2 კვერცხი; 150 გრ ძროხის ხორცი; 4 ნაჭერი გახუხული პური; ბოსტნეულის სალათა; 0,5 ლ კეფირი

12 დღე

1 ლ. კეფირი; ხილი და ბოსტნეული

13 დღე

300 გრ ქათმის ხორცი; ბოსტნეული; 2 კვერცხი

14 დღე

4 ცალი მოხარშული კარტოფილი, ხილი, 1 ლ კეფირი.

როგორ მიიღოთ ნაკლები მარილი
მარილი ჩვენი ორგანიზმისთვის აუცილებელია. ნატრიუმი, რომელსაც ის შეიცავს, მნიშვნელოვანია ნერვული სისტემისა და კუნთოვანი დაბოლოებებისთვის. ასევე, ის ურთიერთქმედებს კალიუმთან, რათა ორგანიზმში სითხე დააბალანსოს. მაგრამ ამისათვის საკმარისია სულ მცირე რაოდენობა - დღეში ერთი მეათედი ჩაის კოვზი. ჰარვარდის უნივერსიტეტის მონაცემებით კი ჩვენ ამ დოზას საშუალოდ 20-ჯერ ვაჭარბებთ.
ყველაზე დიდი რაოდენობით მარილს ვიღებთ ნახევარფაბრიკატებისა და დამუშავებული პროდუქტებისგან: სენდვიჩები, შებოლილი ხორცი, სოუსები, შეფუთული წვენები, კონსერვირებული წვნიანები, პიცა და სხვა ფასდფუდი. ამავე უნივერსიტეტმა მოამზადა რამდენიმე რჩევა, რომლებიც მარილის დოზის შემცირებაში დაგეხმარებათ:


გამოიყენეთ სანელებლები და გემოს გამაძლიერებელი სხვა ნატურალური საშუალებები.
თქვენს საყვარელ კერძებს გემო ნატურალური სანელებლებით შეჰმატეთ - გამხმარი და ახალი მწვანილები, ნიორი, კოჭა, ციტრუსი, ბალზამისებური ძმარი და ღვინო. ისინი მადას აღგიძრავთ, მაგრამ კერძს მარილით არ „გადატვირთავენ“.


მიირთვით სასარგებლო ცხიმი
ხშირად გეჩვენებათ, რომ ვერ დანაყრდით, თუ კერძს მაიონეზიანი სოუსი არ დაუმატეთ. ეს რომ არ მოხდეს, მომზადების დროს მეტი სასარგებლო ცხიმი გამოიყენეთ - ავოკადო, ნიგოზი, ზეთი.


მოამზადეთ სწორად
სცადეთ ბოსტნეული და ხორცი სწრაფად შეწვათ. ეს მეთოდი ბუნებრივ გემოს გაგრძნობინებთ. ბოლოს შეაზავეთ ზეთითა და ლიმნით.


ნაკლები პური
მარცვლეულის პურიც კი, რომელიც უფრო სასარგებლოდ მიიჩნევა, შესაძლოა დიდი რაოდენობით ნატრიუმს შეიცავდეს. პური შეიცავს საკმაო რაოდენობის მარილს - მას უმატებენ როგორც გემოს, ასევე ცომის ამოყვანის მიზნით.


შეიძინეთ პროდუქტები სეზონურად
როგორც რ უნდა ვეცადოთ ბუნებას საკუთარი კანონები აქვს. პროდუქტი კი უფრო გემრიელი იქნება, თუ შესაფერის სეზონზე შეიძენთ - რაც უფრო გემრიელია ბოსტნეული, მარილის დამატების მით ნაკლები სურვილი გაქვთ.

ანა ვერძაძე
აზიური დიეტა: რა უნდა იცოდეთ კვების სისტემაზე, რომელშიც დიდი რაოდენობით პროდუქტია
აზიური დიეტა საკვების რაიმე სერიოზულ აკრძალვას არ განიხილავს. აზიური კერძების შემადგენლობით დიეტოლოგებმა საკმაოდ დაბალანსებული პირამიდა შექმნეს. ამ დიეტის განსაკუთრებულობა იმაში მდგომარეობს, რომ პროდუქტების საკმაოდ დიდი არჩევანი გაქვთ.

რა შეიძლება მიირთვათ?

დიეტის შემადგენლობაში აზიისთვის დამახასიათებელი კერძები შედის: ბრინჯი, ატრია, პური, ფეტვი, სიმინდი, მარცვლეული პროდუქტები, დიდი რაოდენობით ხილი, ბოსტნეული, პარკოსნები, ნიგოზი და მცენარეული ზეთი - ამ ყველაფრის მირთმევა ყოვედლღიურად შეგიძლიათ, მაგრამ ზომიერად. კვირაში მინიმუმ ორჯერ უნდა მიიღოთ თევზი ან ზღვის პროდუქტები. კვირაში ერთხელ შეგიძლიათ თავს უფლება მისცეთ კვერცხის, ფრინველის ხორცისა და დესერტის მირთმევის. წითელი ხორცის მიღება დაშვებულია თვეში ერთხელ. უნდა დალიოთ დღეში 6 ჭიქა წყალი და ჩაი. ალკოჰოლი შეიძლება მიიღოთ მხოლოდ ძალიან იშვიათად.

საიდან დაიწყოთ?

დიეტის ავტორების რჩევით დასაწყისში უპირატესობა მიანიჭეთ ბრინჯს, ატრიას, პურსა და მარცვლეულ პროდუქტებს. ასეთი საკვები შიმშილის გრძნობას არ დაგიტოვებთ. ნუ დაგავიწყდებათ ატრიასა და ბრინჯის წვნიანები, მსგავსი კერძები სწრაფად შეავსებს კუჭს და შესანიშნავად და კარგად ანაყრებს. თანდათან გაზარდეთ ხილისა და ბოსტნეულის რაოდენობა რაციონში. რამდენიმე კვირის მანძილზე ატრიას რაოდენობა შეამცირეთ და გაზარდეთ ბოსტნეულის რაოდენობა.

როგორ მოქმედებს?

პირამიდის შემქნელთა მონაცემებით, აზიური ქვეყნების მოსახლეობა, რომლებიც მოცემულ წესებს ითვალისწინებენ, უფრო ნაკლებს იწონიან, ვიდრე მათი დასავლელი კოლეგები. გახდომის ეფექტი იმ პროდუქტების ხარჯზე მიიღება, რომლებიც დიდიხნით ანაყრებს - მარცვლეული, პარკოსნები, ატრია. კიდევ ერთი მნიშვნელოვანი მომენტი - სანელებლები, რომელთა გარეშე აზიური სამზარეულო წარმოუდგენელია და რომლებსაც მეტაბოლიზმის დაჩქარება შეუძლიათ. არ უნდა დაივიწყოთ აქტიური ცხოვრების წესი: ნახშირწყლების წყალობით ყოველთვის გექნებათ ძალა სავარჯიშოდ.

ანა ვერძაძე