როგორ დავგეგმოთ ჩვენი ქორწილი ისე, რომ სტუმრებმა კარგი დრო გაატარონ

ქორწილის დაგეგმვა მეტად რთული და საპასუხისმგებლო საქმეა, რომელსაც თან ახლავს დიდი ნერვიულობა და ამავდროულად, სიხარული. თუმცა, იმ ფაქტის გააზრება, რომ ეს დღე შენთვის ყველაზე ბედნიერი და სასიხარულოა, ყველაფრის კეთებას ამარტივებს და მთელი დღის განმავლობაში კარგ განწყობას გინარჩუნებს.

ქორწილში არსებობს მეორე, მეტად რთული და საპასუხისმგებლო საკითხი. შენი ოჯახის წევრები, მეგობრები, ნათესავები შესაძლოა, შორი გზიდან ჩამოდიან იმის გამო, რომ ყველაზე მნიშვნელოვან დღეს შენ გვერდით იყვნენ, ამიტომ აუცილებელია ქორწილში შექმნა ისეთი სიტუაცია, რომ ყველა ძალიან კარგად გაერთოს.

წარმოგიდგენთ 4 რჩევას, რომლის გათვალისწინების შემთხვევაში
თქვენი სტუმრები ძალიან კარგად გაერთობიან:


1. არ დატოვოთ სტუმარი მშიერი


მასპინძელმა უნდა გაითვალისწინოს, რომ მოწვეულ სტუმრებში შესაძლოა ზოგი მარხვაზე იყოს, ზოგი ვეგეტარიანელი,ზოგიც ღორის ხორცს არ ჭამდეს. ამიტომ უნდა შექმნათ ისეთი მენიუ, რომელიც ყველა სტუმრისთვის იყოს გათვალისწინებული და არავინ დარჩეს მშიერი.

2. დეკორაცია


ქორწილში ჩაცმულობაზე არანაკლებ მნიშვნელოვანია დეკორაცია. როგორც დიზაინერები ამბობენ, ქორწილი აუცილებლად გაფორმებული უნდა იყოს ყვავილებით, რადგან ეს სიმყუდროვეს ქმნის ქორწილში და ძალიან ლამაზია. ასევე მეტად მნიშვნელოვანია მაგიდების განლაგება- უნდა ეცადოთ, რომ ნაცნობები ერთ მაგიდასთან მოახვედროთ და მაგიდების განლაგება ხელს არ უშლიდეს საცეკვაო ადგილს.

3. ყურადღება მიაქციეთ მარტო მოსულ სტუმრებს


ქორწილში ძირითადად მოდიან შეყვარებულთან, ცოლ-ქმართან ერთად, ან მოსული სტუმარი ნეფე-პატარძლის ახლო მეგობარია და ქორწილში ძალიან ბევრს იცნობს, თუმცა არსებობს შემთხვევები, როცა სტუმარი არავის იცნობს და არც არავინ ახლავს თან. ასეთ სტუმარს განსაკუთრებული ყურადღება უნდა მიაქციოთ, გააცნოთ სხვები, რათა არ მოიწყინოს.

4. არ დაგეზაროთ დამშვიდობება


როცა ქორწილი დასასრულისკენ მიდის და სტუმრებიც იშლებიან, უნდა მოიკრიბოთ უკანასკნელი ძალისხმევა და სტუმრებს ძალიან თბილად დაემშვიდობოთ. არ უნდა დაგეზაროთ ჩახუტება, თბილი სიტყვები და მადლობის გადახდა მოსვლისთვის. ქორწილის ბოლოს თბილი დამშვიდობება დიდ გავლენას ახდენს საერთო შთაბეჭდილებაზე. თუ თქვენ კარგად დაემშვიდობებით სტუმრებს, ისინი კმაყოფილები დარჩებიან ქორწილით.

ქალთევზას საოცნებო ქორწილი შუა ზღვაში (ვიდეო)


like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.