2018 წლის Beauty-ტრენდები: მაკიაჟის იდეები მოდის ჩვენებებიდან

მოდის ჩვენებებზე მაკიაჟის მრავალფეროვნება შთამბეჭდავია. წარმოგიდგენთ 2018 წლის ერთ-ერთ ყველაზე აქტუალურ beauty-ტრენდებს:Kobe 11 Mentality

„ნაკოცნი“ ტუჩები



Giambattista Valli- ის ჩვენებაზე 2018 წლის ყველაზე სექსუალური მაკიაჟი იყო წარმოდგენილი - „ნაკოცნი“ ტუჩების ეფექტი. მწიფე ალუბლისფერი-წითელი ტუჩები ყურადღებასიქცევს. ახლა შეგიძლიათ დაივიწყოთ ფანქარი და გამოიყენოთ მხოლოდ პომადა სხვადასხვა კონტურით.
ამ ტრენდს მხარსუჭერს KENZO-ც 2018 წლის გაზაფხული-ზაფხულის კოლექციაში. მუქი-ბორდოსფერი ტუჩები20-იანი წლების სტილში.
რომანტიკული „ნაკოცნი“ ტუჩები წარმოდგენილი იყო Chapurin prêt-a-porter-ის გაზაფხული-ზაფხული 2018-ის ჩვენებაზეც.
როგორ გაიმეოროთ: ფუნჯი გაუსვით
ტუჩის შიდა ნაწილს, არ მიუახლოვდეთ კონტურის ნაწილს. შემდეგ კი ნაზად გადაანაწილეთ თითების საშუალებით.

გამოკვეთილი თვალები


ფრანგული ბრენდის, Balmain 2017−2018-ის ჩვენებაზე წარმოდგენილი იყო თამამი გოგონას სტილი. სამოსი ტყავის იმიტაციას ქმნიდა და ერთდროულად საომარ და გრაციოზულ ლუქს წარმოგვიდგენდა. მაკიაჟი კი შესანიშნავი დამატება გახდა: შავად შეღებილი თვალები, სპილენძისფერისა და ოქროსფერის დამატებით ჰარმონიულად ერთვოდა საერთო კოლექციას. ტუჩებზე ოქროსფერ აქცენტს კი მეტი ორიგინალურობა შემოაქვს.
მკვეთრად გამოკვეთილ თვალებს შეხვდებით Alexander McQueen-ის გაზაფხული-ზაფხულის 2018-ის ჩვენებაზეც. ყურადღება გაამახვილეთ: თვალებზე აქცენტის გაკეთების შემთხვევაში ტუჩები ნატურალური ფერის უნდა იყოს.

მკვეთრი ჩრდილები


მკვეთრი ჩრდილების მოყვარულებს ეს ტრენდი აუცილებლად მოეწონებათ. მოდაში მაქსიმალურად მწიფე ფერადი ჩრდილებია: ყვითელი, ცისფერი, როგორც მაგ: Oscar De La Renta-სა და Novis-ის ჩვენებებზე.
თუ მინიმალიზმის მოყვარული ხართ, მაგრამ მკვეთრი ჩრდილების გამოყენება ძალიან გინდათ, უმჯობესია ფერად ისრებს მიმართოთ.

მაკიაჟი Nude სტილში


Nude make-up-ი უკვე კარგა ხანია მოდური მაკიაჟის კატეგორიას მიეკუთვნება და პოზიციებს არც ახალ სეზონზე თმობს. „შიშველი სახე“ საკუთარი კოლექციების ჩვენებებზე ბევრმა დიზაინერმა გამოიყენა. ბზინვარე კანი, ჩრდილოვანი კორექციის გარეშე, მსუბუქი რუმიანა და ტენიანი ტუჩები - ეს 2018 წლის ფავორიტი მაკიაჟია.

ბზინვარება


ბზინვარება ტუჩებსა და ქუთუთოებზე ჰაილაიტერის გამოყენებით - ყველაზე თამამი აქცენტი მაკიაჟში. ყველაზე აქტუალური ვერცხლისფერი და ჰოლოგრაფიული ბზინვარებაა. თუმცა ერთდროულად ყველგან მათი წასმა მიზანშეწონილი არ არის - წასმისთვის სასურველია მხოლოდ ერთი ზონა. მაგ: ბზინვარება თვალის შიდა კუთხეში სადღესასწაულო ეფექტს ქმნის. მისი გამოყენება დასაშვებია smoky eyes-ზე ნათელი ფერების შესამატებლად.

ანა ვერძაძე

ასევე დაგაინტერესებთ:

ვარსკვლავების 6 ყველაზე სექსუალური მაკიაჟი, რომლის გამეორება რთული არ არის

სათვალის ქვეშ გასაკეთებელი მაკიაჟის 3 ეფექტური ვარიანტი, ცნობილი ვიზაჟისტებისგან!

იყავი ტრენდული: მაკიაჟი ინსტაგრამიდან, რომელიც ღირს, გაიმეორო
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.