გამაახალგაზრდავებელი ჩაიდან ჰამამადე: მაროკოელი ქალების სილამაზის საიდუმლო

Beauty-ინდუსტრიაში დასავლეთის აქტიური ჩარევის მიუხედავად, მაროკო რჩება აბრეშუმის ქსოვილში გახვეული, იდუმალი ლეგენდებით, ყვავილებისა და ათასობით სანელებლის სურნელით გაჟღენთილ ქვეყანად.Air Max 95 20th Anniversary

საიდუმლო არავისთვისაა, რომ მსოფლიო Beauty-გიგანტებმა, საკუთარი ჰიტებისთვის ბევრი ღირებული და უნიკალური ინგრედიენტი სწორედ მაროკოელი პრინცესების „კოსმეტიკისგან“ აიღეს.

გენეტიკა მნიშვნელოვანია, მაგრამ ასევე მნიშვნელოვანია ბუნებრივი მონაცემები სწორი ჩვებებით შეინარჩუნოთ.

ჰამამი (მაროკოული აბანო)

ჰამამი - ცხოვრების წესის უმნიშვნელოვანესი ნაწილია. ჰამიმს დღემდე აქტიურად იყენებენ თურქეთსა და ჩრდილოეთ აფრიკის კონტინენტზე. მაროკოული აბანო ინტენსივობის
ორ-სამ დონედ იყოფა. პირველი ნაბიჯი - დაიბანეთ თბილი წყლით, მეორე - ღრმა წმენდა და მასაჟი. მნიშვნელოვანია, რომ ყველა მოძრაობა ტალღოვანი, ზედმეტად ხისტ მოძრაობებს გახურებული კუნთის დაზიანებაც კი შეუძლია. ჰაჰამის ყველაზე ღირებული შედეგი - დეტოქსიკაცია და სისხლის მიმოქცევის გაუმჯობესებაა. ორთქლში გამოვლილი სხეული საჭირო ღრმა წმენდას იღებს, ატენიანებს და ყველა კოსმეტიკურ საშუალებაზე უკეთ კვებავს კანს. Beauty-ხრიკი: საუნის შემდეგ დალიეთ რამდენიმე ჭიქა წყალი ვარდის ფურცლებით.



არგანის ზეთი

მთავარი მაროკოული beauty-ჰიტი - არგანის ზეთია. აღმოსავლურ ზღაპრებში სწორედ ეს ინგრედიენტი გამოიყენება სილამაზისა და მარადიული ახალგაზრდობის ელექსირის სახით. არგანის ზეთს მარადმწვანე არგანის ხისგან იღებენ, რომელიც პლანეტაზე მხოლოდ ერთ ადგილას, საჰარის გარეუბანში, მაროკოს სამხრეთით იზრდება. ზეთს მაღალი ანტიოქსიდანტური და ანტიბაქტერიული უნარი აქვს, ასტიმულირებს კოლაგენის გამოყოფას და იცავს ულტრაიისფერი სხივებისგან. უნიკალური დერმატოლოგიური თვისებები არგანს ერთ-ერთ ყველაზე ძვირადღირებულ პროდუქტად აქცვევს. მას გამოიყენებენ სამკურნალო მიზნით - ქგზემის, პსორიოზის, აკნეს რთული ფორმისა და თმის ცვენის დროს, ასევე გამოიყენება კანის სიმშრალესთან ბრძოლისას, დატენიანებისთვის.



გასულის თიხა
სილამაზის კიდევ ერთი საიდუმლო ატლასის მთებიდან - შავ-მწვანე თიხა. ის პლანეტის ყველაზე ძვირადღირებული სპა-ცენტრების სასურველი სტუმარია. გასულის თიხა არა მარტო წმენდს ღრმა დაბინძურებას და ათავისუფლებს შავი წერტილებისგან, ასევე ხელს უწყობს წონაში კლებას, ამცირებს ცელულიტს და აუმჯობესებს თმის სტრუქტურას.

SAVON NOIR ან შავი საპონი
ტრადიციულ ჰამამში სილამაზისთვის აუცილებელი საშუალება მაროკოული შავი საპონია. ეს ზეთისხილის ფაფის, ნატურალური ზეთებისა და გლიცერინის ნარევია. მასაჟის მოძრაობებით ისვამენ მას სახესა და ტანზე წუთით და თბილი წყლით ჩამოიბანენ. ეს აშორებს კანის მკვდარ ნაწილებს და ამავდროულად ატენიანებს მას.



ხელთათმანი KESSA
შავი საპნის ნაცვლად ჰამამში ამ ხელთათმანსაც გამოიყენებენ. დამზადებულია გრეხილი აბრეშუმის ძაფებისგან. ის ნებისმიერ ღრუბელზე ეფექტურად ამუშავებს გაუხეშებულ კანს დაზიანების გარეშე. ამ ხელთათმანით თვითმასაჟი კანს უჩვეულოდ გლუვს ხდის და ახალგაზრდობის შენარჩუნებაში ეხმარება.

პიტნის ჩაი
სილამაზე რომ შიგნიდან იწყება ამაზე უამრავი არაბული გამონათქვამი მიგვითითებს. აღმოსავლური სიბრძნე კი შესაძლოა წარმატებით გამოიყენოთ პრაქტიკაში. ამის მაგალითი - მაროკოული ჩაია. მთავარი ახალი პიტნის ფოთლებია - ეს ხელს უშლის ნაოჭების ადრეულ წარმოქმნას და ეხმარება მცირე ჭრილობების შეხორცებაში. დილით პიტნის ჩაი დღის შესანიშნავი დასაწყისია იმისათვის, რომ იყოთ ჯანმრთელი, ენერგიული და ლამაზი.

ტექსტი: ანა ვერძაძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.