პირადი გამოცდილება: Hearst Digital-ის პირადმა მენეჯერმა მხოლოდ პასტის საშუალებით დაიკლო

Hearst Digital-ის მენეჯერმა, მიმდინარე წლის იანვარში გადაწყვიტა დიეტა დაეცვა: მთელი კვირა ბოსტნეულისა და ქათმის ფილეს ჭამის ნაცვლად მან შვიდი დღე მხოლოდ პასტა მიირთვა.
გულწრფელი და დეტალური ამბავი პირველი პირისგან, თუ როგორ დაიკლოთ წონაში, როცა მხოლოდ ცომეულს მიირთმევთ:

„2018 წლის მოახლოებასთან ერთად დეტოქსიკაციასთან დაკავშირებული პოსტების ახალი ტალღა შევნიშნე. მეგობრები, ოჯახი და ჩემი გამომწერები მოულოდნელად გაწმენდისა და მარხვის მომხრეები გახდნენ, რაც მათ სხეულსა და სულზე ისეთივე ეფექტს ახდენს, როგორც Kirakira+ ის აპლიკაცია ვიდეოგამოსახულებაზე. რამდენადაც ტრენდები დიეტოლოგიაშიც არის, 2018 წელი გვპირდება დიეტებს გლუტენის
გარეშე - პერიოდული შიმშილი და რძის პროდუქტებზე უარის თქმა.
ცოტა რამ ჩემს შესახებ: ვერ ვიტან, როცა ამბობენ, რომ საკვები შეიძლება იყოს ცუდი და საზიანო. ჩემი გაბრაზება გსურთ? გაიმეორეთ ფრაზა „ზედმეტად კალორიულია“. გენიოსობა არ სჭირდება იმას, რომ ორცხობილა ძალიან კალორიულია და ეს კალორიები ძალიან გემრიელია. ჩემთვის საკვები ისტორიაა ერთიანობისა და დღესასწაულების შესახებ და არა განგაში და კალორიების დაუსრულებელი თვლა.



2017 წელთან გამომშვიდობებისას გადავწყვიტე ახალი წელი ახალი ფურცლიდან დამეწყო და ელიმინაციური (გამწმენდი) დიეტა დამეცვა. არ ვაპირებდი იმ საკვებზე მეთქვა უარი, რასაც ყოველდღე მივირთმევ. რაციონიდან „ცუდი“ პროდუქტის ამოღების ნაცვლად, მე გადავწყვიტე პირიქით მოვქცეულიყავი. ექსპერიმენტისთვის ერთი კვირის მანძილზე მხოლოდ პასტა უნდა მიმეღო და მემხილა მითი იმაზე, რომ ჩემი ცუდი შეგრძნებისა და ზურგის ტკივილის მიზეზი გლუტენი, ნახშირწყლები და რძის პროდუქტები იყო. ეს რომ ასე ყოფილიყო, კვირის ბოლოს თავი საშინლად უნდა მეგრძნო, ასე არ არის?

რატომ პასტა?

1. იგივე უკვე გამოვცადე პიცაზე. პატსა უფორ გაჯერებული, უფრო დეკადენტური მგონია, თანაც ცოტა ხნის წინ მაკარონის დასამზადებელი მანქანა შევიძინე.
2. პასტა - გემრიელია. ვინ იტყოდა მთელი კვირა მის მირთმევაზე უარს?




დეტოქსიკაციის წესი

1. ატრია და ცუკინი პასტა არ არის.

2. მიირთვით პასტა ისე, როგორც ჩაფიქრებული იყო: ყოველგვარი ბროკოლისა და ლინგვინის გარეშე.

3. არავითარი ალკოჰოლი და ყავა.

4. არავითარი კალორიების თვლა. პასტას მივირთმევდი საუზმედ, სადილად და ვახშმად, ასევე ნებისმიერ დროს, როცა შიმშილს ვიგრძნობდი.

5. არავითარი ზედმეტი ფიზიკური დატვირთვა. სპორტდარბაზში კვირაში 3-4-ჯერ სიარულს განვაგრძნობდი.

6. მხოლოდ პასტა! თითქმის ყველა ქვეყანას აქვს პასტის საკუთარი ვერსია, მაგრამ მე ამერიკელებისთვის ტიპიურ - იტალიურ პასტას ვარჩევდი.

დღე პირველი:

დილით მოტივირებულმა და ენერგიით სავსემ გავიღვიძე. თავდაპირველად პესტოსა და იოგურტისგან რეცეპტი მოვიფიქრე. სამსახურში წასვლისას თავს დაუმარცხებლად ვგრძნობდი. მაგრამ ეს დიდხანს არ გაგრძელებულა. ათწლიანი ყოველდღიური 6 ესპრესოს დალევაზე უარის თქმა საშინელი იდეა იყო. გაკვეთილი პირველი: თქვენს ძალებზე დიდ იმედებს ნუ დაამყარებთ.
ლანჩისთვის პასტა შევუკვეთე, მაგრამ ამან კოფეინის ნაკლებობით გამოწვეული პრობლემა ვერ გადაჭრა, რასაც ხანმოკლე მეხსიერების დაკარგვაც დაემატა.
საერთო ჯამში, თუ ხანმოკლე მეხსიერების დაკარგვასა და თავის ტკივილს არ ჩავთვლით, პირველმა დღემ ნორმალურად ჩაიარა.

დღე მეორე:

გაღვიძებისას თავს ივლისის ცხელ მზეზე დატოვებულ ნაგვის ხროვად ვგრძნობდი. ვცდილობდი ყურადღება გადამეტანა, ვფიქრობდი ამ მდგომარეობის მიზეზზე: პასტაზე მაქვს ალერგია, თუ ყავაზე ვარ დამოკიდებული.
იმ იმედით, რომ ვარჯიში გონებას გაწმენდდა, სპორტდარბაზში გავეშურე. 60 წუთი ვირბინე. ასე მანამდე არასდროს გამიკეთებია.
ვარჯიშის შემდეგ კაფეში წავედი, სადაც ტრადიციულად პასტა შევუკვეთე და მფლობელს, ჯიას შევხვდი. მან მიხსნა, თუ რატომ არის მნიშვნელოვანი იმის მირთმევა, რაც გვიყვარს: „საკვები - ცხოვრებაა. ის თვენს განწყობაზე ახდენს მოქმედებას, იმაზე, თუ როგორ ექცევით სხვა ადამიანებს, თქვენს კანზე, ბიოლოგია - საკვები თვენს სულს კვებავს“.
სპორტ დარბაზში ჩემი წარმატებითა და ჯიას წახალისებით შემდეგი საათი ნეტარებაში გავატარე. დღის განმავლობაში 3-ჯერ მაინც მოვისმინე, რომ დაღლილი გამოვიყურებოდი. არავის გავუფრთხილებივარ, რომ კოფეინის შეწყვეტით გამოწვეული დისკომფორტი რამდენიმე დღეს გაგრძელდებოდა.




დღე მესამე:

მესამე დღეს გაღიზიანებულმა, დაღლილმა და დანებებულმა გავიღვიძე. გაჯანსაღებისკენ გადადგმული პირველი ნაბიჯი - პრობლემის არსებობის აღიარებაა. ამ მომენტში მზად ვიყავი ჩემი ექსპერიმენტი ჩამეშალა: 20 წუთში 3 ფინჯანი ყავა დავლიე. კიდევ ნახევარი საათის შემდეგ მივხვდი, რომ დისნეის ყველა სიმღერა არა სიყვარულს, არამედ ყავას ეძღვნებოდა. ყველაფერი კარგი ყავით იწყება. დმარცხება გემრიელი აღმოჩნდა, როგორც პასტა ავოკადოთი.
ვინ იფიქრებდა, რომ გაღიზიანებით დაწყებული დღე ასეთი მშვენიერი აღმოჩნდებოდა. არა ერთი, არამეთ მთელი ორი ტრანსცენდეტული მომენტი განვიცადე ნახშირწყლების წყალობით მანჰეტენზე პასტით განქმულ ყველაზე ცნობილ ადგილებში.

დღე მეოთხე:

მეოთხე დღეს პასტა უკვე მესიზმრებოდა. ამასთან პარმეზანის გამო, რომელსაც პასტას ყოველთვის ვამატებდი, დეჰიდრატაცია მოხდა. 5 ჭიქა წყლის შემდეგ სამსახურში გავიქეცი ისე, რომ საუზმობა დამავიწყდა. ეს დღე საკმაოდ დატვირთული აღმოჩნდა, დრო არ მქონდა რომ სადილად სადმე გავსულიყავი, ამიტომ ოფისის სამზარეულოთი ვისარგებლე და პასტა ქურაში შევათბე.
მთელი დღე დაუჯერებელ ენერგიის მოზღვავებას ვგრძნობდი. გადავწყვიტე რესტორნამდე, სადაც მეგობართან ერთად ვივახშმე ფეხით მივსულიყავი.

დღე მეხუთე:

ამ დღეს წყურვილის მოსაკლავად 30 ჭიქა წყალიც არ მყოფნიდა, მაგრამ პარალელურად ენერგიის მოზღვავებას და ზურგის ტკივილის გავლას ვგრძნობდი. ფოტოგრაფმა, რომელსაც საღამოს შევხვდი, მაშინვე აღნიშნა, რომ ჩემი კანი ანათებდა. საინტერესოა, საქმე გლუტენშია?
მოგვიანებით მივხვდი, რომ ამ კვირაში თითქმის არ მივარჯიშია, ამიტომ ერთდროულად ორ ვარჯიშზე ჩავეწერე: ძალოვან და იოგაზე. რაც ყველაზე გასაოცარია, ძალა ყველაფრისთვის მყოფნიდა, ფიქრი პასტაზე, რომელსაც მოგვიანებით მივირთმევდი მახალისებდა.
ვახშმად ერთდროულას სამი სახის პასტა შევუკვეთე: ტომატის პენე, სპაგეტი ბროკოლითა და ნოკი ისპანახითა და გორგონზოლათი. ძალიან მინდოდა ცოტაოდენი სალათი და წითელი ღვინო, რაც ჩემმა მეგობარმა შეუკვეთა, მაგრამ თავი შევიკავე.

დღე მეექვსე:

სახეზე ღიმილით გავიღვიძე. მოვამზადე ლინგვინი ზეთით, ნივრით, ბაზილიკითა და ლიმონით. დღე შებოლილი მაკარონით დავიწყე. განწმენდის კვირის დასრულების წინა დღე ერთ ადგილას დასრულდა, რომელსაც Barano ჰქვია, სადაც ჩვეულებრივ მოცარელასთვის დავდიოდი.

დღე მეშვიდე:

კვირას ფოთოლი ან ქერქის ნაჭერი მინდოდა, ყველაფერი ოღონდ პასტა არა. მაგრამ თავი ხელში ავიყვანე და გადავწყვიტე, რომ ერთადერთი ცდუნება, რომელსაც მივიღებდი ყავა იქნებოდა.
ეს იყო მომენტი, როცა ვფიქრობდი, რომ მცირე ულუფა პასტასაც ვეღარ შევჭამდი, მაგრამ პირველი გასინჯვის შემდეგ მივხვდი, რომ ორგანიზმი მზად იყო მიეღო.
შუაღამეს მეგობართან ერთად საყვარელ ბრუკლინურ ბარში შევხვდი, ორი კათხა Vieux Carrés-ი შევუკვეთეთ, მე შოკოლადის ორცხობილა მივირთვი და მაცივარშე ჩემს პასტაზე გავიფიქრე.
კვირა მიიწურა, მე შევძელი ის, რაც ბევრს შეუძლებელი ეგონა და მეტიც, გავიფურჩქნე.




შენიშვნა:
მთელი კვირა პასტის მირთმევას არ გირჩევდით, მაგრამ თუ ამას გადაწყვეტთ, მხოლოდ უმაღლესი ხარისხის პროდუქტი მიიღეთ. პრობლემები მაშინ დაიწყება, როცა გადამუშავებულ პროდუქტს და გლუტენს მიირთმევთ.
ყველა ინდივიდუალურია. ყველაფერს აქვს მნიშვნელობა - რამდენად ჯანმრთელი ხართ, როგორ ინელებს თქვენი სხეული საკვებს, თქვენი ასაკი. მე გლუტენის აუტანლობის არავითარი ნიშანი არ მქონდა, გონივრულად ვანაწილებდი ულუფებს, მაგრამ ეს იმას არ ნიშნავს, რომ ყველას შეუძლია რამდენიმე თეფში პასტის მირთმევის შემდეგ 5 მილი გაირბინოს.
დავიკელი თუ არა წონაში? რა თქმა უნდა, დიახ. ალკოჰოლსა და ჭამაზე უარის თქმით 2 კგ-ზე ცოტა უფრო მეტი დავიკელი. ორივე მათგანი უკვე უკან დავიბრუნე.
რა ვისწავლე? თავი დაანებეთ სოციალური ქსელის მოსმენას და ფოკუსირდით საკუთარ გრძნობებზე. იქნებ დროა ინტერნეტი გამორთოთ, სასეირნოთ გაეშუროთ და თან თეფში პასტა წაიღოთ?
განწმენდის ერთმა კვირამ შემახსენა, რომ კარგი კვება ადამიანებს აერთიანებს, დასამახსოვრებელი საუბრები და სიცილი მოაქვს. მაშინ, როცა დეტოქსიკაციისა და ჰანწმენდის პროცესების უმრავლესობას გარიყვა მოჰყვება, ჩემმა პასტის კვირეულმა კი მეგობრებთან კიდევ უფრო მეტად დამაახლოვა.
პასტით წმენდას არ გირჩევთ. თუმცა ერთის თქმა შემიძლია: პასტის შემდეგ თავს შესანიშნავად ვგრძნობდი, განსაკუთრებით მაშინ, თუ მას ახლო ადამიანს ვუზიარებდი. და მიუხედავად იმისა, რომ ეს ყველას არ ეკუთვნის, მე ნამდვილად ვიცი, რომ გლუტენითა და ჭიქა ღვინით ლამაზად დავბერდები“.

ანა ვერძაძე


ასევე დაგაინტერესებთ: 

3 პოპულარული ვარსკვლავური დიეტა, რომელსაც დიეტოლოგები კრძალავენ!

ოდრი ჰეპბერნის საყვარელი პასტა ტომატის სოუსით - აღარასოდეს დაიცავ დიეტას!

პირველი ლედის დიეტა: როგორ ინარჩუნებს 47 წლის მელანია ტრამპი ფორმას



like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.