6 მეთოდი, მანიკიური ფრჩხილზე რომ დიდხანს არ გაფუჭდეს

ექსპრეს-მანიკიური სახლის პირობებში კარგი იდეაა, თუ სილამაზის სალონში ჩაწერა ვერ მოასწარით.
თქვენი მცდელობა ფუჭი რომ არ აღმოჩნდეს და თვალს დიდხანს ახარებდეს, გაგანდობთ მარტივ საშუალებებს, თუ როგორ გაახანგრძლივოთ ფრჩხილის ლაქის გამძლეობა.

ფრჩხილების მომზადება

ფრჩხილების დაფარვამდე აუცილებელია გამოაშროთ და მოიშოროთ ცხიმიანობა, რისთვისაც ნებისმიერი სპირტის შემცველი საშუალება გამოგადგებათ ან ლაქის მოსაშორებელი სითხე ზეთების გარეშე. შემდეგ უნდა წაისვათ ძირითადი საშუალება, რომელიც ყველა შესაძლო მიკრო ბზარებს შეავსებს, ფრჩხილის ზედაპირს გახდის გლუვს და მტკიცეს: ასე ლაქი უფრო ლამაზად გამოიყურება და დიდხანს შენარჩუნდება. აღსანიშნავია, რომ ლაქი ყველაზე
სწრაფად ფრჩხილის ბოლოებში შორდება, განსაკუთრებით მაშინ, თუ ფრჩხილი მტვრევადია. ამ მიზეზით, მოკლე ფრჩხილზე ლაქი უფრო დიდხანს ნარჩუნდება, ვიდრე გრძელზე.



დაფარვა

საჭირო არ არის ლაქის ფლაკონი ზედმეტი ინტენსივობით შეანჯღრიოთ. მასში ჰაერის მიკრობუშტები წარმოიქმნება, რის გამოც ფრჩხილი არათანაბრად დაიფარება. საკმარისია ფლაკონი რამდენჯერმა გააქანოთ, ხისტი მოძრაობების გარეშე. დარწმუნდით, რომ საშუალება მთლიანად გამოშრა და დაიწყეთ ფრჩხილის ფერადი დაფარვა ორმაგი ფენით.

დამაგრება

მეორე ფენის გაშრობის შემდეგ დააფიქსირეთ ლაქი ზედა საფარით. ლაქის ფენის სწრაფი დაფიქსირებისთვის, შეგიძლიათ გამოიყენოთ საშრობი საშუალება. ამ პროცესის დამაჩქარებელი კიდევ ერთი მარტივი საშუალებაა: თითები რამდენიმე წუთი ჯამში ჩასხმულ ცივ წყალში გააჩეროთ (შეგიძლიათ რამდენიმე ნატეხი ყინული დაუმატოთ).



მოვლა

ფინალური ეტაპი - ფრჩხილის ზედა აპკის ზეთი და ხელის კრემი. აუცილებელია დამატენიანებელი საშუალებები ყოველდღე წაისვათ, ეს თქვენს ფრჩხილებს მოვლილ იერს შესძენს.

როგორ დაფაროთ მოტეხილი ფრჩხილი

დაასველეთ ბამბა ლაქის მოსაშორებელი სითხით და მოიშორეთ ლაქი დაზიანებული ფრჩხილის ადგილას. დაელოდეთ ფრჩხილის გაშრობას და დაფარეთ ის ლაქის თხელი ფენით.



როგორ გაახლოთ ფრჩხილის ლაქი

თუ ლაქი რამდენიმე დღის მანძილზე წარმატებით ნარჩუნდება, მაგრამ შესამჩნევად გაფერმკრთალდა, ზემოდან თხელი საფარი გადაუსვით.


ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.