კირა ნაითლი წარბების მაგიასა და ცუდ ვიზაჟისტებზე

ერთ-ერთი ყველაზე პოპულარული ბრიტანელი მსახიობი კირა ნაითლი, ახალი არომატის Chanel Coco Mademoiselle Intense სახე, ყოველთვის ბუნებრივი სილამაზით გამოირჩეოდა.
მნიშვნელობა არ აქვს რამდენი საათი გაატარა გადასაღებ მოედანზე თუ მგზავრობისას - ის
ყოველთვის მშვენიერია. თუ როგორ ახერხებს ამას, ლამაზანი თავად ჰყვება Vogue-თან ინტერვიუში.



დღის მაკიაჟი
დილით, როგორც წესი დამატენიანებელ საშუალებას ვიყენებ, შემდეგ კი ნაკლის დაფარვას ვიწყებ. მომწონს ისეთი მაკიაჟი, როცა კანი ბუნებრივად გამოიყურება და ტონალური კრემით არ არის დაფარული. რაც უფრო ნაკლებია კოსმეტიკური საშუალება, მით უკეთესია. ვისვამ ცოტაოდენ ნათელ ჩრდილებსთითებით, თვალები ცოტა უფრო მკვეთრად რომ მოსჩანდეს. შემდეგ ვიღებ ცოტაოდენ ფერად ტუჩსაცხს - ჩემი ტუჩის ბუნებრივ ფერთან მიახლოებულს და ვინაწილებ ასევე თითებით.
მე მათ რიცხვს მივეკუთვნები, ვინც smoky eyes-სა და წითელ პომადას შორის არჩევანს პირველზე შეაჩერებს. მაგრამ, როგორც დედაჩემი ამბობს: „პომადა - გჭირდება მაშინ, როცა უიღბლო დღე გაქვს და სამყაროს თვალებში უნდა ჩახედო“. ვფიქრობ, სწორედ ასეა. როცა ფილმის პრემიერაზე დასწრება პირდაპირ აეროპორტიდან მიხდებოდა, თავს კარგად ვერ ვგრძნობდი და ვფიქობდი: ჰო, ახლა შესაფერისი დროა წითელი პომადისთვის. თუმცა ყველაზე ხშირად თვალის მაკიაჟს ვიყენებ - შავი ლაინერი და ტუში, ყოველთვის, როგორც ზედა, ისე ქვედა წამწამებზე.

სუნამო
ამ საკითხში მონოგამი ვარ და ყოველდღიურ ცხოვრებაში ერთ სუნამოს ვიყენებ. მაგრამ სამსახურში ყველაფერი პირიქითაა - ახალ სურნელს შეუძლია როლის უკეთ გათავისებაში დაეხმაროს, რასაც ხანდახან მივმართავ.




თავის მოვლა მოგზაურობისას
როცა ვმოგზაურობ ყოველგვარ თავის მოვლას ვივიწყებ. ასე იყო ადრე, სანამ ერთი ჩემი მეგობარი ვარდის ზეთს მირჩევდა. ხშირი ფრენა კანის მდგომარეობაზე ცუდად აისახება და მას საშინლად აშრობს - ზეთი სწორედ ამისგან მიცავს.

წარბები
ჩემს შემთხვევაში, წარბები იდეალურად რომ გამოიყურებოდეს, ერთადერთი, რაც უნდა გავაკეთო - არ უნდა შევეხო მათ. ჩემი კარიერის დასაწყისში ერთმა ვიზაჟისტმა მითხრა: „ყოველთვის შეგიძლიათ კარგი ვიზაჟისტი ცუდისგან განასხვაოთ, თუ თქვენ წარბების ამოღებას გირჩევენ, რაც შეიძლება სწრაფად გაიქეცით“ - და ამის ყოველთვის მჯეროდა. ნაწილობრივ იმის გამო, რომ მაშინ 21 წლის ვიყავი, ერთ-ერთი ასეთი პროცედურა ვცადე, რომელიც იმ დროისთვის ლოს-ანჯელესში იყო პოპულარული - როცა აბსოლუტურად ყველას ერთნაირ წარბებს ახატავდნენ - ეს საშინლად გამოიყურებოდა. ჩემი სახის პროპორციები ამ მიმართულებას „ვერ დაუმეგობრდა“. ახლა წარბებს მხოლოდ მსუბუქად ვისწორებ, თუმცა არასოდეს ვეხები ზედა ნაწილს და არ ვცვლი ფორმას. მხოლოდ, თუ წითელ ხალიჩაზე მიწევს გასვლა, შემიძლია ოდნავ დავიგრძელო ის, სპეციალური ფანქრის დახმარებით.



კანის მოვლა
სამსახურში დიდი რაოდენობით გრიმს მისმევენ, ამიტომ თავისუფალ დროს ვცდილობ კანს დასვენების საშუალება მივცე. 24 წლამდე ძალიან ცუდი კანი მქონდა, მიუხედავად იმისა, რომ გამუდმებით ვიყენებდი სხვადასხვა საშუალებებს, რათა გდაღებების შემდეგ აღმედგინა. ერთხელაც გადავწყვიტე, სახეზე აღარაფერი წამესვა და ამან გაამართლა. ყველაფერი მხოლოდ მას შემდეგ შეიცვალა, რაც ბავშვი შემეძინა და 30 წელი შემისრულდა. კანი უფრო მშრალი გახდა, ამიტომ ახლა ზეთსა და დამატენიანებელ კრემებს ვიყენებ.

ანა ვერძაძე


ასევე დაგაინტერესებთ:

კირა ნაითლი Chanel-ის წვეულებაზე ქმართან ერთად მივიდა (+ფოტო)

კირა ნაითლი თმის პრობლემების გამო პარიკებს ატარებს

კირა ნაითლის 10 საუკეთესო კინო როლი
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.