როგორ ატაროთ შარვალი კარგო - 5 იდეა ყველაზე მოდურებისთვის

შარვალი კარგო სეზონის ყველაზე მოდური ტრენდია. ახლა მისი ტარება რეკომენდებულია ყველა მოდის მიმდევარი გოგონასთვის.



შარვალი თეძოებზე მოზრდილი ჯიბეებით ლამაზად გამოიყურება გამხდარი გოგონების სხეულზე, ამასთან პრაქტიკულ ფუნქციას ასრულებს მოსახერხებელი ჯიბეების ხარჯზე.

იმის დასამტკიცებლად, რომ შარვალი კარგო თქვენს გარდერობში ადგილს ნამდვილად იმსახურებს - წარმოგიდგენთ ხუთ მოდურ იდეას, როგორ ატაროთ ის.



გამორიცხეთ ფერი და თანამედროვე მინიმალიზმს მიმართეთ


შარვალმა კარგომ თქვენს ყოველდღიურ გარდერობში ადგილი მარტივად რომ დაიმკვიდროს, ფრთხილად შეარჩიეთ ფერები. მშვიდი კრემისფერი, კარამელისფერი, ხაკი - ამ ტენდენციასთან პირველი შეხვედრის საუკეთესო ხერხია.



ცოტაოდენი ელეგანტურობა

თუ ფიქრობთ, რომ ეს შარვლები მხოლოდ მეამბოხე მოზარდებისთვისაა განკუთვნილი, შეხედეთ მას სხვა კუთხით. თუ თეთრი ფერის კარგოს შავ ტოპს შეუხამებთ და მაღალქუსლიან საზაფხულო ფეხსაცმელს მოირგებთ - წვეულებაზე მთავარი მოდური გოგონას სტატუსი გარანტირებული გაქვთ. მას ვერავითარი კოქტეილის კაბა ვერ შეედრება.

გააორმაგეთ ხაკი

კანადური სმოკინგი თანამედროვე გარდერობის ლიდერი ოფიციალურად გახდა. გთავაზობთ მილითარი-პიჯაკისა და კარგოს ვერსიას. ეს ყველაფერი, რა თქმა უნდა, ხაკის ფერში გადაწყვეტილი. ამ ფერთან ყოველთვის მომგებიანია ოქროსფერი სამკაულები.

სპორტის წინ 

სპორტული სტილის შარვალი კარგო მათთვისაა, ვინც სპორტულ ფეხსაცმელსა და სავარჯიშო ტოპზე უარს ვერ ამბობს. დაუმატეთ ლუქს წელის ჩანთა და გაეშურეთ ქალაქის ქუჩების დასაპყრობად.



სრული 1990-იანები

პოპულარული ეპოქის თაყვანისმცემლებისთვის, გთავაზობთ წარსული წლების სრულად გადმოცემას. ატარეთ კარგო მასიურ ბათინკებთან, შეუხამეთ ნეილონის ზურგჩანთები და მაისურები ვინტაჟური პრინტით, როგორც Prada-ს კოლექციებში გვხვდება.

ანა ვერძაძე

 

ასევე დაგაინტერესებთ:

 

4 იდეა, როგორ ატაროთ კიმონო ყოველდღიურ ცხოვრებაში

like
0

კომენტარები

gvantsa 2018-05-27 08:40
ღმერთო, რა გულისამრევი რაღაცაა... სავალდებულო არ არის ჩავიცვათ ის რაც უშნოდ და უფორმოდ გამოგვიჩენს ტანს. ზოგჯერ ოღონდ განსხვავებული შექმნან რამე და აღარ ფიქრობენ დიზაინერები რამდენად მოხდენილი იქნება ქალისთვის... ფაქტი სახეზეა!

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.