ლეოპარდის პრინტი ზამთრის სეზონის მთავარი ტრენდია

ოდის შესახებ სულ ცოტაც თუ იცით, აუცილებლად შეამჩნევდით ფაქტს, რომ ეს ინდუსტრია ყოველთვის ახლოს იყო ბუნებასთან. უკვე ათწლეულებია ვხედავთ ბუნებით შთაგონებულ კოლექციებს მოდის კვირეულებზე, ცხოველთა ტყავით გაწყობილი აქსესუარები და სამოსი
დღემდე დიდი ფუფუნების საგნებად ითვლება, ბევრგან შეხვდებით ტანსამელს სხვადასხვა პეიზაჟების პრინტით და ა.შ. მოკლედ, სამყაროს მრავალფეროვნება დიზაინერებისთვის დიდი შთაგონების წყაროა.

ბუნების თემა დღემდე პოპულალურია პოდიუმზე და თუ შემოდგომა-ზამთრის ყველაზე დიდ ტრენდებს გადახედავთ, აუცილებლად შეხვდებით ლეოპარდის პრინტს, რომელიც გასულ და მიმდინარე წელს არა ერთმა დიზაინერმა გამოიყენა კოლექციებში. როგორც ჩანს, ეს ტრენდი სელებრითების გემოვნებაშიც ჯდება: ჯენიფერ ლოპეზით დაწყებული, დები ჯენერებით დამთავრებული, ცნობილი სახეების დიდი ნაწილი გამოჩნდა გასულ თვეებში კამერების წინ ლეოპარდის პრინტით გაწყობილი სამოსითა და აქსესუარებით.

ბაკა ალავიძის ბლოგი

უნდა აღინიშნოს, რომ ეს კონკრეტული პრინტი ქართულ ბაზარზეც საკმაოდ გაყიდვადია. ბევრი ქართველი ქალის გარდერობში შეხვდებით ლეოპარდით გაწყობილ ტანისამოსს, მაგრამ ამის პარალელურად, ბოლო პერიოდში ამ ტყავის მიმართ ირონიული დამოკიდებულება ჩვენს საზოგადოებაში საკმაოდ გაიზარდა. ამის ერთ-ერთ მიზეზად შეიძლება ჩაითვალოს მისი არასწორი გამოყენება. სწორედ ამიტომ, დღევანდელ სტატიაში შემოგთავაზებთ რამდენიმე რჩევას, რომლის დახმარებითაც შეძლებთ ლეოპარდის პრინტი იდეალურად შეუხამოთ თქვენს ლუქს.

პირველ რიგში უნდა გაითვალისწინოთ, რომ ეს პრინტი საკმაოდ პრეტენზიულია და არ გვაძლევს ფერთა დიდ არჩევანს შეხამებისთვის. შავი, ხორცისფერი, თეთრი, ცისფერი და წითელი - ეს იმ ფერთა ჩამონათვალია, რომელთანაც ლეოპარდის ტყავი განსაკუთრებით მიმზიდველია.

ნუ გამოიყენებთ მასთან რამდენიმე ფერს ერთდროულად, რადგან ლეოპარდის პრინტი საკმაოდ გადატვირთულია და თვალი მის მიმართ სენსიტიურია, ამიტომ ეცადეთ დარჩეთ მინიმალისტები. თუ გადაწყვეტთ, რომ ჩაიცვათ ამ პრინტით გაწყობილი კაბა, გირჩევთ შეუხამოთ შავი მოსაცმელი, ან ამ ფერის რაიმე აქსესუარი.

ამ სეზონზე განსაკუთრებით პოპულალურია ლეოპარდის ჟაკეტები, რომლებიც ძალიან მიმზიდველად გამოიყურება ღია ცისფერ ჯინსებსა და თეთრ მაისურზე. ეს კომბინაცია თქვენს ყოველდღიურ ლუქს აქცევს საოცრად მიმზიდველად და ელეგანტურად.

ტომ ფორდი, ვიქტორია ბექჰემი, ვალენტინო იმ მოდის სახლების ნაწილს წარმოადგენენ, რომლებმაც ჩვენებაზე ლეოპარდის პრინტით გაწყობილი აქსესუარები გამოიტანეს. მედიისა და ხალხისგან განსაკუთრებული მოწონება ტომ ფორდის წითელი ლეოპარდის ჩანთამ დაიმსახურა, რომელსაც ვერცხლისფერი დეტალები ახლავს თან. ამიტომ, თუ სადმე მსგავს ხელჩანთებს მოკრავთ თვალს, აუცილებლად შეიძინეთ, რადგან ისინი დღეს ძალიან ტრენდული აქსესუარებია. რაც შეეხება წითელ ლეოპარდს, ეს პრინტი არც ისე ხშირად გამოიყენება კოლექციებში, მაგრამ უნდა აღინიშნოს, რომ იგი საკმაოდ გლამურულია. წითელთან ძალიან მიმზიდველია შავი, ამიტომ თქვენს ლუქს დაუმატეთ შავი ქამარი, ხელჩანთა ან სათვალეები.

ასევე დაგაინტერესებთ: დემნა გვასალია - პირველი დიზაინერი, რომელმაც გრაფიკული ხელოვნება და მოდა ერთ ვიდეოში გააერთიანა
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.