ნეონი ახალი შავია? 2019 წლის მთავარი სიახლე

ახალი წლის პირველი თვე განსაკუთრებით საინტერესოა მოდის მოყვარულებისთვის, ამის მიზეზი კი მარტივია: წლის ახალი ტრენდები სწორედ იანვარში იჩენს თავს. მართალია, ახალი წლის დადგომიდან მხოლოდ ორი კვირაა გასული, მაგრამ სოციალური მედიის დახმარებით უკვე მარტივად ირკვევა, თუ რა იქნება ამ წლის მთავარი „სიახლე“ და ამ სიტყვას იმიტომ ვსვამ ბრჭყალებში, რომ ეს სიახლე საერთოდ არ არის ახალი. მოკლედ, ბევრი რომ არ ვილაპარაკო, ამ სტატიაში ნეონურ ფერებზე ვისაუბრებ.

ბაკა ალავიძის
ბლოგი   

ნეონური, ანუ მანათობელი ფერები მოდას უბრუნდება და ეს საერთოდ არ არის გასაკვირი,
რადგან ბოლო რამდენიმე წლის მთავარი ტრენდები ოთხმოციანი და ოთხმოცდაათიანი წლებიდან არის გადმოტანილი. გამოთქმა „ყველაფერი ახალი, კარგად დავიწყებული ძველია“ ძალიან კარგად აღწერს გასულ 5 წელს მოდის ინდუსტრიაში. რაც შეეხება ნეონს, ამ სტილის ფერების გამოყენების ზენიტი 80-იანი წლებია, როდესაც ამერიკის შეერთებულ შტატებში სრული გადატრიალება მოხდა მოდის ინდუსტრიაში. თვალში ადვილად მოსახვედრი, მკვეთრი ფერები მოდის სამყაროს ეუფლებიან. ამერიკის ნებისმიერ ტანსაცმლის მაღაზიაში შეხვდებოდით ნეონის ფერებში გაწყობილ ჟაკეტებსა და წელის ჩანთებს (თმის სამაგრებსაც კი). ეს ტენდეცია 90-იანებშიც გადავიდა, მაგრამ მალევე დაიკავა მისი ადგილი სხვა ტრენდებმა.

ამის შემდეგ რეალურად მანათობელი ფერები არ გამქრალა, გასულ წლებშიც მოგხვდებოდათ თვალში ნეონით გაწყობილიბოტასები, რომლებიც საკმაოდ დიდი პოპულარობით სარგებლობდნენ გარკვეული პერიოდი. მაგრამ დიდი ალბათობით, 2019 წელს ნეონის ფერები მხოლოდ ბოტასებით არ შემოიფარგლება. მოგეხსენებათ, ინსტაგრამი ერთ-ერთი ყველაზე გიგანტური სიციალური მედიაა, რომლის მეშვეობითაც ძალიან ბევრ ტრენდს ჩაეყარა საფუძველი. ბოლო ორი კვირის განმავლობაში კი ინფლუენსერების ინსტაგრამ გვერდებზე ხშირად შეხვდებოდით მკვეთრ ფერებში გაწყობილ კომბინიზონებს, საცურაო კოსტიუმებსა და ჟაკეტებს.

ისეთი ცნობილი სახეები, როგორებიც არიან კიმ კარდაშიანი, კაილი ჯენერი და რიანა, ბოლო დღეებში ნეონით გაწყობილი სამოსით გამოჩნდნენ პუბლიკის წინაშე. კიმმა მისი მეუღლის, ქანიე ვესტის დიზაინით შექმნილი მწვანე ნეონის ჟაკეტი მოირგო, ხოლო მისმა დამ, კაილიმ, ინსტაგრამზე თავის შვილთან ერთად გადაღებული ფოტო გამოაქვეყნა, რომელშიც მას ყვითელი ნეონის საცურაო კოსტიუმი აცვია. რაც შეეხება რიანას, იგი ახლახანს პაპარაცებმა მანჰეტებზე დააფიქსირეს, სადაც ვარსკვლავს მუქი ლურჯი პიჯაკის შიგნით ყვითელი ნეონით გაწყობილი მაისური ეცვა.

საინტერესოა, რამდენად განვითარდება ახალი წამოწყება მოდის განხრით. ნამდვილად არის შესაძლებელი, მომავალ თვეებში ნეონი გავლენიანი დიზაინერების პოდიუმზეც კი ვიხილოთ.

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.