6 არაბანალური ხრიკი, როგორ ატაროთ ლეოპარდის პრინტი

ცხოველური პრინტი დღეს ვულგარულად აღარ გამოიყურება - ამისთვის მადლობა Dior, Givenchy -სა და Stella McCartney-ის.
ცხოველური პრინტი + მკაცრი პალტო

ლეოპარდის პრინტს ხშირად აზრიანი დატვირთვა აქვს - კარგია, რომ დიზაინერები დადგენილ ცრურწმენებს არ იზიარებენ და სტერეოტიპებს ამსხვრევენ. მაგ: მარია გრაცია კიური და კლერ უეიტ კელერი ცხოველური პრინტისგან მკაცრ სამოსს ქმნიან.

ცხოველური პრინტი + ტრენჩი

დაათვალიერეთ Givenchy-ის საშემოდგომო ლუქბუქი და კიდევ ერთხელ დარწმუნდებით, რომ სხვადასხვა სტილის სამოსის შეხამება სრულიად შესაძლებელია და მოდურიცაა. კლასიკური ფეხსაცმელი მარტივად შეგიძლიათ ჩაანაცვლოთ სპორტული ფეხსაცმლით. ვინ თქვა,
რომ ლეოპარდის ტარება სპორტულ ფეხსაცმელთან არ შეიძლება?

ცხოველური პრინტი + კუბოკრული ქსოვილი

დიდი სურვილიც რომ გქონდეთ ვულგარულად გამოიყურებოდეთ, კუბოკრულ პრინტთან ლეოპარდის ჩაცმით ეს არ გამოგივათ. სამაგიეროდ ასეთი კომბინაცია თქვენს კარგ გემოვნებას გაუსვამს ხაზს.

ლეოპარდის პიჯაკი + „კაზაკები“

მსგავს ნაკრებში მარტივად შეიძლება წარმოიდგინოთ დები ჰარი 80-იან წლებში ან ქეით მოსი 90-იანებში, მაგრამ ლეოპარდის პიჯაკისა და „კაზაკების“ კომბინაცია ჩვენს თანამედროვეობასაც ერგება: თანაც, როგორც მამაკაცებისთვის, ისე ქალებისთვის.

ლეოპარდის კაბა + თეთრი ფეხსაცმელი

ზაფხულის დასაწყისში ხშირად ვამბობდით, რომ თეთრი ფეხსაცმელი გარდერობში აუცილებლად უნდა იქონიოთ. საშემოდგომოდ ამას კვლავ გირჩევთ. თეთრ ფეხსაცმელს გასაოცარი უნარი აქვს ნებისმიერი სტილი არისტოკრატულად აქციოს. არც ლეოპარდის კაბაა გამონაკლისი.

ლეოპარდი + ლეოპარდი

ამ ნაკრებით ყოველდღიურობაში გამოჩენა, რა თქმა უნდა, რთულია. წვეულებებზე კი - მარტივი.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.