როგორი სტილის ჩანთებია მოდაში?

1. მინი ჩანთები.

2019 წელს უკვე ათობით მოდის ჩვენება ვნახეთ და გეტყვით, რომ თითქმის ყველა კოლექციაში შედიოდა მინი ჩანთები. ეს ტრენდი 2018 წლის ბოლოს დაიწყო და ამ ზაფხულს ძალიან პოპულალური იქნება.


2. დაწნული ჩანთები.

თუ გსურთ, რომ სხვებისგან განსხვავებული, ტრენდული და ძალიან მიმზიდველი აქსესუარი გეჭიროთ ხელში, აუცილებლად უნდა შეიძინოთ დაწნული ჩანთები. უკვე მრავალი წელია ეს ტრენდი არსებობს, მაგრამ წელს ბევრად უფრო დახვეწილი დიზაინები შემოგვთავაზეს მოდის სახლებმა.


3. გამჭირვალე ჩანთები.

ამ ტენდენციას ბევრი ირონიულად შეხედავს, მაგრამ გეტყვით, რომ გამჭირვალე ჩანთების შეხამება
თქვენს სამოსთან საკმაოდ მარტივია, თან ძალიან ორიგინალურად გამოიყურება.


4. ყუთის ფორმის ჩანთები.

როგორც მოგეხსენებათ, მოდის ინდუსტრიაში საკმაოდ ხშირად იღებენ ინსპირაციას გასული ათწლეულებიდან. ამის ერთ-ერთი მაგალითია ყუთის ფორმის ჩანთებიც, რომლებსაც საკმაოდ ვინტაჟური სტილი აქვთ.


5. წელის ჩანთები.

2019 წლის ერთ-ერთი მთავარი ტრენდი სწორედ წელის ჩანთებია. საზოგადოების დიდი ნაწილი მის გამოყენებას კარგი დიზაინის გამო იწებს, მაგრამ უნდა აღინიშნოს, რომ წელის ჩანთები ძალიან კომფორტულია.


6. ცხოველის პრინტით გაწყობილი ჩანთები.

ცხოველების პრნტები უფრო და უფრო პოპულალური ხდება. ამის მიზეზად შეგვიძლია დავასახელოთ ის ფაქტი, რომ დიზაინერების დიდი ნაწილ უკვე უარს აცხადებს ნამდვილი ტყავის გამოყენებაზე კოლექციებში, მაგრამ თანამედროვე ტექნოლოგიების დახმარებით, ხელოვნური ეფექტიც ძალიან ხარისხიანი და მიმზიდველია.

ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.