თმის ნიმუშები Burberry შემოდგომა–ზამთარი 2019–ის ჩვენებაზე

რამდენიმე დღის წინ Burberry შემოდგომა–ზამთარი 2019 ჩვენება გაიმართა.
პოდიუმზე სრულიად მოსალოდნელად უხვად იყო კრემისფერი და ბადე , მოდელების თმის ვარცხნილობა კი საკმაოდ ექსპერიმენტული აღმოჩნდა. გოგონებს შუბლზე თმის ხვეულებისგან შექმნილი ნიმუშები ამშვენებდა – ისინი კრეატიულმა დირექტორმა, რედკენ გვიდო პალაუმ „დახატა“. საინტერესოა, რომ უკვე არაერთი შემთხვევაა, რაც რიკარდო ტიშის ჩვენებაზე მსგავსი ვარცხნილობა ჩნდება – მსგავსი მოტივები ჩვენ უკვე ვნახეთ Givechy შემოდგომა–ზამთარი 2015–ის ჩვენებაზე. მართალია, მაშინ დიზაინერთან არა გვიდო, არამედ ლუიჯი მურენუ მუშაობდა.

ერთი შეხედვით მსგავსი ვარცხნილობა ყოველდღიურობისთვის შეუფერებლად გამოიყურება, მაგრამ დასკვნის გამოტანას
ნუ იჩქარებთ. FKA Twigs–ი ამ ვარცხნილობით ჯერ კიდევ 2014 წელს ჩნდებოდა, თუმცა ასეთი ნიმუშები მას შუბლის ნაცვლად, ძირითადად საფეთქლებთან ჰქონდა.

ანა ვერძაძე
like
0