300 $-ად შეფასებულმა ჯინსის საცვლებმა ინტერნეტ სივრცე აალაპარაკა

არ ვიცი, რამდენად გჭირდებოდათ ამ ინფორმაციის მოსმენა, მაგრამ მაინც იცოდეთ, რომ უკვე ჯინსის საცვლების შეძენაც შეგიძლიათ.

ფასი? სულ რაღაც 300 $.

გასულ წლებში ჯინსის შარვლების არა ერთი ტრენდი ვიხილეთ: მოხატული, საჯდომზე გახეული, ორივე მხარეს მიკერებული ელვა-შესაკრავით და კიდევ ძალიან ბევრი რამ, მაგრამ ამ ზაფხულს ბევრად თამამ და უცნაურ სიახლეს ვიხილავთ ქუჩებში- ჯინსის საცვლები მსოფლიო ბაზარს იპყრობს.

Y/Project ფრანგული დიზაინ სტუდიოა, რომელიც 2010 წელს დაარსდა და მას შემდეგ მრავალი საინტერესო პროდუქტი შემოგვთავაზეს მოდის ჩვენებებზე. სწორედ ამ ბრენდის იდეაა ჯინსის საცვლების შემოტანა ბაზარზე
და როგორც ჩანს, სტუდიოს დიზაინერები იდეას კარგადაც ახორციელებენ.

ძალიან ცოტა დრო დასჭირდა Y Project-ს ახალი პროდუქტის პოპულარიზაციისთვის, რადგან ჩვენებიდან რამდენიმე დღეში, მთელი ინტერნეტ სივრცე საცვლებს განიხილავდა. როგორც ცნობილი ჟურნალი, Harper’s Bazaar წერს, ჯინსის ახალი ტრენდი ზაფხულის ფესტივალებზე ნამდვილი ჰიტი იქნება. აქვე უნდა ავღნიშნოთ, რომ ისინი ძალიან არაკომფორტულია, მაგრამ ეს ფაქტი სავარაუდოდ ბევრისთვის უმნიშვნელო იქნება.

ბაკა ალავიძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.