სტრინგები და ბრა - თამამი მოდა, რომელიც 90-იანებიდან დაბრუნდა

ყველაზე მოდური ტრენდი 1990-იანების დასასრულიდან და 2000-იანების დასაწყისიდან ახალ სიცოცხლეს იძენს.

ჯერ კიდევ გასულ წელს Versace და Heron Preston-ის გაზაფხული-ზაფხული 2020-ის კოლექციების ჩვენებისას, მოდური ჟურნალების რედაქტორებმა მომავალი წლის გაზაფხული-ზაფხული 2021-ის მთავარ ტრენდად ივარაუდეს შიშველ სხეულზე ბრები და მაღალწელიანი სტრინგები, რომელიც ერთგვარ თამამ ტრენდად ჩამოყალიბებას შეუწყობდა ხელს, ამ ფაქტს ბევრი უარყოფდა თუმცა გასული დღეების მოდის ჩვენებებმა გაამართლა ვარაუდები.



Maximilian და Supriya Lele-ს ლონდონის მოდის კვირეულზე, ხოლო მილანის მოდის კვირეულზე ვერსაჩეს სახლის ჩვენებების დროს მოდელები სწორედ მთავარი ელემენტით ბრებითა და მკვეთრი სტრინგებით
გამოდიოდნენ, მოდელებიდან წლევანდელ ზაფხულს ბელა ჰადიდმა და ადუტ აკეჩმაც გაიმეორეს მომავალი წლის ტრენდი, თუმცა პირველად 2019 წლის „მეთ გალაზე“ ჰეილი ბოლდუინი იყო ის ვინც ალექსანდერ ვონგის კაბის ქვეშ მთავარ ელემენტად წვრილ თოკზე ბრჭყვიალა სტრიგების დემონსტრირება მოახდინა, მსგავს სტილზე 2001 წელს წითელ ხალიჩაზე გაიარა „ვენითი ფეირისთვის“ ჯილიან ანდერსონმაც.



მაღალწელიანი სტრინგები, რომელიც ლამაზად წარმოაჩენს თეძოებს, თავის პოპულარობას მიაღწია 1990-წელს ჟან პოლ გოტიეს, ტომ ფორდისა და ჯონ გალიანოს წყალობით. იმ დროისათვის კი ერთ-ერთი ცნობილი სელებრითი პერის ჰილტონი იყო, რომელმაც მოდური ტრენდის გამეორება შეძლო, მთავარი წესი - მაქსიმალური მინიმალიზმი.



დღევანდელი ცნობილებიდან მაგალითისთვის ჯიჯი ჰადიდის ინსტაგრამ გვერდი შეგიძლიათ დაათვალიეროთ, რომელიც კროპ-ტოპებზე და შავ ბრებზე ირგებს შავი ფერის სტრინგებს, 2000-იანებიდან ამ ტრენდის მიმდევარი კი გვენ სტეფანი და ავრილ ლავინი იყვნენ, მაშინ ეს ელემენტი მეამბოხე გოგონას ხასიათზე მიუთითებდა.

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.