გრეის კელის უნაკლო სტილის 6 საიდუმლო

მსოფლიო კინოს ერთ-ერთ ყველაზე ლამაზ მსახიობს 12 ნოემბერს 88 წელი შეუსრულდებოდა.
ნათელი ინდივიდუალიზმი


გრეის კელი მთელი ცხოვრების მანძილზე პრაქტიკულად ერთი და იმაზე სტილის ვარცხნილობას ატარებდა, რაც მისი სავიზიტო ბარათი გახლდათ. ე.წ. long bob-ს გრეისი ატარებდა კარიერის დასაწყისში, როცა ფოტომოდელად მუშაობდა და მაშინ, როცა მონაკოს პრინცესა გახდა.

სამეფო წოდება


გრეისი ძალიან მკაცრად აღზარდეს: დედა ღრმადმორწმუნე კათოლიკე, მამა კი ოლიმპიური ჩემპიონი გახლდათ. კელის ბავშვობა შეიძლება ერთი სიტყვით აღვწეროთ - დისციპლინა. მკაცრი მშობლები შვილის მომგებიან ქორწინებაზე ოცნებობდნენ, ამიტომ ღირსეული დედოფლისთვის შესაფერის თვისებებს უნერგავდნენ.
რაც ყველაზე მთავარია, საჭირო შთაბეჭდილების მოსახდენად - სხეულის იდეალურად ჭერა და თავის ამაყად მოძრაობა სჭირდებოდა. გრეისი საათობით ვარჯიშობდა, რათა გამართულად და მაღლა აწეული თავით ევლო, ამასთან ბუნებრივი ყოფილიყო. ამ ყველაფერს ტყუილად არ ჩაუვლია. როცა გრეის კელი მართლაც გახდა მონაკოს პრინცესა, ის სამეფო ოჯახის წარმომადგენლებს არაფრით ჩამოუვარდებოდა.

იდეალური გარდერობი


გრეისის ხანმოკლე კარიერა new look-ის სტილში აყვავდა, XX საუკუნის ყველაზე ქალური და მდიდრული სტილი. სამოსისადმი მოთხოვნა იყო შემდეგი - ის უნდა ყოფილიყო მდიდრული, მაგრამ გრეისის სილამაზე არ უნდა დაეჩრდილა. ამასთან, გრეისს არ უყვარდა ზედმეტად თამამი სამოსი და სხვებისგან განსხვავებით იშვიათად იცვამდა ღრმა დეკოლტეს.

ფოკუსირება დეტალებზე

ის, რომ Hermès-ის მოდის სახლმა მონაკოს პრინცესას სახელობის ლეგენდარული Kelly bag ჩანთები გამოუშვა ყველამ კარგად იცის. ჩანთა ბევრი ქალისთვის დღემდე სასურველია და აქტუალურობას არ კარგავს. გრეის კელის სხვა შეუცვლელი ატრიბუტები გახლდათ მოსახვევები, მარგალიტის მოკლე მძივები და პატარა საყურეები, ასევე ხელთათმანები, რასაც ის გარდა განსაკუთრებული საღამოებისა, სიამოვნებით იყენებდა ყოველდღიურ ცხოვრებაშიც.

არისტოკრატული მანერები


გრეისზე ბევრი ფილმი გადაიღეს, თუმცა მისი მანერების ზუსტად განსახიერება დღემდე ვერავინ შეძლო. მსუბუქი, ტალღოვანი მოძრაობები, გულწრფელი ღიმილი, სიარულის გრაციოზური მანერა - გრეისი ვარსკვლავად არ მუშაობდა, ის ვარსკვლავი იყო.

ვნებების ოკეანე


რეჟისორი ალფრედ ჰიჩკოკი არ მალავდა, თუ რატომ გამოყოფდა გრეის კელის სხვა ვარსკვლავებისგან: „ის თოვლის ქვეშ ვულკანს ჰგავს, მისი სიცივის მიღმა ვნებების წარმოუდგენელი ღელვა იმალება. ეს გაცილებით საინტერესოა, ვიდრე უბრალოდ სექსუალური ქალი“. მხურვალე ვნებებს გრეისის ცხოვრებაში მართლაც ჰქონდა ადგილი - გრეისი წარმოუდგენლად მოსიყვარულე იყო და ძალიან მშფოთვარე პირადი ცხოვრება ჰქონდა, გადასაღებ მოედანზე ხანდახან ერთდროულად რამდენიმე რომანი ჰქონდა. თუმცა სხვა მსახიობებისგან განსხვავებით, მას ჰყოფნიდა ჭკუა, ტაქტი და საკუთარი ღირსების განცდა, რათა პირადი საჯაროდ არ გამოეტანა.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.